Գեղարքունիքում «Մաքուր Հայաստան» ծրագրի շրջանակներում տեղի ունեցավ համամարզային հերթական շաբաթօրյակը

 «Մաքուր Հայաստան» ծրագրի շրջանականերում Գեղարքունիքի մարզում հուլիսի 1-ին  իրականացվեց համամարզային հերթական շաբաթօրյակը: Ինչպես «Արմենպրես»-ին տեղեկացրին Գեղարքունիքի մարզպետարանի աշխատակազմից,  Գեղարքունիքի մարզպետ կարեն Բոթոյանի կարգադրությամբ ստեղծված համապատասխան  մշտական հանձնաժողովի կողմից մարզի բոլոր համայնքներին եւ մարզային ենթակայության կազմակերպություններին նախօրոք ուղարկվել էր հատուկ շրջաբերական՝ մաքրման աշխատանքներն իրենց տարածքներում եւ նախատեսված վայրերում կանոնավոր կազմակերպելու եւ իրականացնելու նպատակով: Ինչպես  տեղեկացրեց մարզպետի տեղակալ, «Մաքուր Հայաստան» ծրագրի մարզային մշտական հանձնաժողովի նախագահ Կարեն Հակոբյանը, առանձնահատուկ ուշադրություն է դարձվում նաեւ աղբավայրերի փակման գործընթացին:

«Ունենք փակման ենթակա 25 աղբավայր, եւ, հույս ունենք, որ մինչեւ օրվա վերջ դրանց հիմնական մասը հողածածկված կլինեն», -իր խոսքում նշեց մարզպետի տեղակալը: 
Սանիտարական մաքրման աշխատանքները մարզի համայնքներում վերահսկվում է մարզպետարանի աշխատակիցների կողմից, ովքեր նշանակված են որպես պատասխանատուներ թե մարզի տարածքներում, թե առանձին համայնքներում: Հերթական անգամ մաքրվում են միջպետական, մարզային, հանրապետական եւ տեղական նշանակության ճանապարհները եւ նրանց հարող հատվածները, բնակավայրերը եւ նրանց կից տարածքները, լճի ափերը նեւ նրան հարող անտառամերձ գոտիները: Սանիտարական մաքրման աշխատանքներին մեծ ակտիվությամբ են մասնակցում են մարզի 92 համայնքների գրեթե բոլոր համայնքապետարանների, նրանց ենթակայության հիմնարկ-ձեռնարկությունների, մարզի կրթական, առողջապահական և այլ ոլորտի հիմնարկ-ձեռնարկությունների աշխատակազմերը, մարզի ճանապարհաշինական կազմակերպությունները: «Այսուհետ համայնքապետարաններում շրջակա միջավայրի սանիտարական վիճակի պահպանման եւ վերահսկման նպատակով կստեղծվեն տեսչական մարմիններ, որոնց գործունեության արդյունքում հնարավոր կլինի տեսնել առավել մաքուր, քիչ աղտոտված տարածքներ»,- հավաստիացրին «Մաքուր Հայաստան» ծրագրի իրականացման  մարզային հանձնաժողովից:

Խոսրով Խլղաթյան