Նոր մանրամասներ՝ Մեսսիի առաջիկա հարսանիքից

Արգենտինական Ռոսարիո քաղաքում  մեծ իրարանցում է. այստեղ են ժամանել «Բարսելոնա» ֆուտբոլային ակումբի հանրահայտ ֆուտբոլիստ Լիոնել Մեսսիի հարսանյաց հանդեսի 260  հայտնի հյուրերը:

Այսօր ֆուտբոլիստն ու նրա կողակիցը՝ Անտոնելլա Ռոկուցցոն, 10 տարվա համատեղ կյանքից հետո   օրինականացնելու են իրենց հարաբերությունները: Նրանք   ճոխ հարսանյաց հանդես են կազմակերպել:

Լիոնել Մեսսիին շնորհավորելու են եկել նրա գործընկերները՝ 30 հայտնի ֆուտբոլիստներ: Հրավիրված է նաև երգչուհի Շակիրան:

Լիոնել Մեսսիին և Անտոնելլա Ռոկուցցոյին օրինական կին ու ամուսին են հռչակելու տեղի հյուրանոցային համալիրներից մեկում: Այս առիթով նախապես կազմակերպչական մեծ աշխատանքներ են տարվել . բարեկարգվել ու մաքրվել է հյուրանոցի տարածքը, ուժեղացվել է անվտանգությունը: Բանն այն է, որ այդ թաղամասը հայտնի է  թմրանյութերի բիզնեսով զբաղվող իր բնակիչներով:

300 ոստիկաններ են հերթապահում օդանավակայանից հյուրանոց ընկած ճանապարհին, որպեսզի ապահովեն  հյուրերի անվտանգությունը, իսկ  Անտոնելլայի հարսանեկան զգեստը առաքվել է  անվտանգության երկու աշխատակիցների ուղեկցությամբ:

Հայտնի է նաև, թե ինչ են ճաշակելու այս հարսանիքի հյուրերը . աշխարհահռչակ ֆուտբոլիստը նրանց հյուրասիրելու է ապխտած միս,    սեղանին պաշտետի ու պանրի մի քանի տեսակներ են լինելու, իսկ գլխավոր ճաշատեսակը արգենտինական սթեյքն է