Մանո Գրիգորյանը՝ իր երրորդ հղիության լուրերի մասին

Օրեր առաջ համացանցում մեծ աղմուկ հանած Սարգիս Գրիգորյանի սիրային տեսարաններով ֆիլմի քննարկումները ստիպեցին հանրությանը մեկ անգամ ևս սևեռվել հայկական շոու բիզնեսի ամենագեղեցիկ ու ամուր ընտանիքներից մեկի՝ Սարգիս և Մանո Գրիգորյանների վրա: Կարծիքներ տարածվեցին, որ հասարակական քննարկումների արդյունքում ընտանեկան անդորրը կարող է խախտվել, ինչին ի պատասխան Մանոն իր տված մի քանի հարցազրույցներում հերքել է ու պնդել, որ հավասարակշռված է վերաբերվում ամուսնու աշխատանքին: Ի հավաստումն ընտանեկան իդիլիայի ու համերաշխության՝ Մանոն այսօր իր ֆեյսբուքյան էջում լուսանկար է հրապարակել, որտեղ նա Սարգսի հետ է, իսկ լուսանկարը մակագրել է «Երկուսով)))))))»: Սակայն մի փոքր ավելի ուշադիր օգտատերերը նկատել են, որ լուսանկարում Մանոն և Սարգիսը ոչ թե երկուսով, այլ երեքով են: Լուսանկարից կարելի է կարծիք կազմել, որ Մանոն 4-5 ամսական հղիություն է կրում: Ինֆորմացիան ճշտելու նպատակով BlogNews.am-ը կապ է հաստատել դերասանուհու հետ, ով հարցին՝ հղի՞ է նա արդյոք, այսպես է պատասխանել. «Իրականում լուսանկարն է անհաջող ստացվել, նման բան չկա, կամ էլ ես եմ չաղացել)))»:

Մեր այն դիտարկմանը, որ եթե նկարն անհաջող լիներ, ապա նա դա չէր հրապարակի, Մանոն բազմանշանակ ծիծաղեց ու պնդեց, որ ամեն դեպքում հերքում է իր հղիությանը վեաբերող լուրերը: Հղի է Մանոն, թե ոչ, ցույց կտա ժամանակը: Ամեն դեպքում ցանկալի է, որ առողջ ու գեղեցիկ հայ ընտանիքներում, որքան հնարավոր է, շատ լինեն երեխաներ: Դե իսկ Մանոյին մաղթում ենք ապագայում անպայման լույս աշխարհ բերել արու զավակի, որի մասին նա այդքան երկար ժամանակ է՝ երազում է: