Որոնք են լավագույն ըմպելիքները՝ ամռան տապին ծարավը հագեցնելու և թարմանալու համար
ԼԱՅՖԱմռան տապին ծարավը հագեցնելն այդքան էլ հեշտ չէ, սակայն սննդաբանները նշել են այն ըմպելիքները, որոնք կօգնեն թարմանալ, կհագեցնել ծարավն ու կօգնեն ավելի հեշտ դիմակայել շոգ եղանակին:
Մասնագետների խոսքով՝ պարտադիր չէ, որ ըմպելիքները սառը լինեն: Օրինակ՝ տաք թեյն ամռանը արդյունավետ կերպով հագեցնում է ծարավն ու օգնում է շոգ եղանակին խուսափել ջերմային հարվածից: Նման եղանակին լավագույն ըմպելիքն առանց շաքարավազի տաք սև թեյն է:
Բացի այդ, շոգ օրերին մարզումներից հետո կարելի է խմել հատապտուղների կամ մրգերի եփուկ: Ընդ որում՝ այս եփուկը նույնպես հարկավոր է խմել տաք վիճակում, իսկ սառելու դեպքում՝ տաքացնել
Շատ արդյունավետ են նաև ազնվամորու, ելակի, հաղարջի, ինչպես նաև խնձորենու և բալենու տերևների թուրմերը: Սննդաբանները նշում են, որ, ի տարբերություն թեյի, այս բույսերի տերևները չեն պարունակում տոնուս հաղորդող նյութեր, սակայն միևնույն ժամանակ դրանք հարուստ են կենդանական ծագման սպիտակուցներով, ճարպերով ու բնական շաքարներով:



