«Մայրիկ»`անկրկնելի հուզիչ ֆիլմ. Որոշ մանրամասներ և հետաքրքիր դրվագներ ֆիլմից

ԼԱՅՖ 13 Հոկտեմբեր, 2015 14:59

Past.am-ն այս անգամ էլ որոշեց անդրադառնալ Անրի Վերնոյի (Աշոտ Մալաքյան) «Մայրիկ» ֆիլմին, որը յուրաքանչյուր շարքային հայի պարծանքն է:

Այն կենսագրական ֆիլմ է ցեղասպանությունից մազապուրծ մի հայ ընտանիքի մասին`

նկարահանված 1991 թ.:

Ֆիլմը պատմում է 1921թ. Հայոց ցեղասպանության ժամանակ Մարսել տեղափոխված հայ ընտանիքի մասին: Վեցամյա երեխայի հիշողությունների միջոցով ներկայացվում է ընտանիքի պատմությունը` պարուրված սիրով և հոգատարությամբ:

Ազատ Զաքարյանը նավահանգիստ է իջնում ծնողների և երկու մորաքույրների հետ: Ընտանիքի մեծերը շատ բաներից են իրենց զրկում երեխայի լավ կրթության և ինժեներ դառնալու համար: Իր ընկերոջ` հայազգի գրող Անրի Թրուայայի առաջարկով նկարահանում է «Մայրիկ» և «Փողոց Պարադի, տուն 588»(Մալաքյանների տան հասցեն Մարսել քաղաքում): Այդ պատմակենսագրական ֆիլմերում իր ընտանիքի օրինակով նա պատմում է հայոց ցեղասպանության և նրա հետևանքների մասին:

Ֆիլմի սցենարը գրվել է ավելի քան 40 տարբերակով, բայց միայն մեկը 1985թ-ին հրապարակվեց և թարգմանվեց տասը լեզվով, ընդհանուր 200.000 օրինակով: Գրքի հայերեն տարբերակը հրատարակվել է 1988թ-ին ԱՄՆ-ում: Արժանացել է Ֆրանսիական ազգային կինոակադեմիայի մրցանակին (1991): Գլխավոր դերերից մեկը մարմնավորած Օմար Շարիֆին ֆիլմում նկարահանվելու պատճառով արգելվել է Թուրքիա մուտք գործել:

Դերերում

Կլաուդիա Կարդինալե - Արաքսի, Ազատի մայր
Օմար Շարիֆ - Հակոբ, Ազատի հայր
Ռիշար Բերի - Ազատ
Նատալի Ռոուսել - Գայանե, Ազատի մորաքույր
Սերժ Ավետիքյան - Վազգեն Փափազյան
Միշել Բարդոլետ - Մադլեն
Քրիստիան Բարբիեր
Իզաբել Սադոյան - Աննա, Ազատի մորաքույր
Ժաքի Ներսեսյան - Աբգար, ընտանիքի ընկեր
Կեդրիկ Դուկետ - յոթ տարեկան Ազատ
Թոմ Պոնսին - տասներկու տարեկան Ազատ
Ստեֆան Սերվայս - քսան տարեկան Ազատ
Ժան Պիեր Դելաժ
Նիկոլաս Սիլբերգ
Դենիս Պոդալիդես - Թեհլերյան
Իվ Ռոժիերի
Պատրիկ Տիմսիտ
Տիկի Հոլգադո
Իվետ Պետիտ
Պաուլետ Ֆրանց
Լուսի Ներսեսյան
Ինգ Օֆերման
Ժիլես Տրետոն
Մարի-Ֆրանս Սանտոն
Մարիո Լուրասչի