Ավտովթար Երևան-Գյումրի ճանապարհին. բախվել են Volkswagen-ն ու «09»-ը. վերջինը ձորում չի հայտնվել բետոնե արգելապատնեշի շնորհիվ. Shamshyan.com (տեսանյութ)

Հոկտեմբերի 11-ին, ավտովթար է տեղի ունեցել Արագածոտնի մարզում: Ժամը 22:20-ի սահմաններում Երևան-Գյումրի ավտոճանապարհի 52-րդ կմ հատվածում բախվել են Արագածոտնի մարզի Աշնակ գյուղի բնակիչ, 47-ամյա Համլետ Հովհաննիսյանի վարած Volkswagen Vento մակնիշի 35 VԼ 924 համարևանիշի և Արագածոտնի մարզի Ներքին Սասնաշեն գյուղի բնակիչ, 43-ամյա Հուսիկ Թորոսյանի վարած Վազ 2109 մակնիշի 34 QR 842 համարանիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով վարորդ Հ. Թորոսյանը մարմնական վնասվածքներով տեղափոխվել է Աշտարակի բժշկական կենտրոն: Դեպքի վայր են ժամանել Ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի աշխատակիցները՝ դասակի հրամանատար Արմեն Պողոսյանի գլխավորությամբ:

Դեպքի վայր է ժամանել նաև Աշտարակի հրշեջ-փրկարարական ջոկատը, ովքեր հոսանքազրկել են մեքենաները և փակել գազաբալոնները:

Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Արագածոտնի մարզային քննչական վարչություն, որտեղից դեպքի վայր է ժամանել քննիչ Հարությունյանը, ում կողմից փաստի առթիվ նյութեր են նախապատրաստվում:

Քննիչի հանձնարարականով ավտոմեքենաները տեղափոխվել են ոստիկանության Աշտարակի բաժնի պահպանվող հատուկ տարածք:

Ֆոտոլրագրողը հայտնում է, որ եթե նոր կառուցվող ճանապարհին չլինեին բետոնե արգելապատնեշները, ապա «09»-ը կհայտնվեր ձորում, քանի որ բախումից հետո այն դուրս է եկել երթևեկելի գոտուց և հարվածել բետոնե արգելապատնեշներին:

Նյութի աղբյուրը՝ Shamshyan.com