NASA-ն ներկայացրել Է ապագա 12 աստղանավորդներին, որոնք ընտրվել են 18 հազար թեկնածուներից

ՀԱՍԱՐԱԿՈՒԹՅՈՒՆ 8 Հունիս, 2017 13:15

Հինգ կին եւ յոթ տղամարդ են ընդգրկվել NASA-ի աստղանավորդների նոր խմբում, նրանք պետք Է թռիչքներ կատարեն Լուսնի սահմաններից դուրս եւ, հնարավոր Է, առաջինը թռչեն Մարս: Այդ մասին, ինչպես տեղեկացնում Է «Արմենպրես»-ը, հունիսի 7-ին Հյուսթոնում Ջոնսոնի անվան Տիեզերական կենտրոնում կայացած հանդիսավոր արարողության ժամանակ հայտնել Է գերատեսչության ղեկավարի պաշտոնակատար Ռոբերտ Լայթֆութը:

«Դուք ներկայացնում եք Ամերիկայում լավագույններից լագագույններին… NASA-ի ամբողջ թիմը պատրաստ Է օգնել ձեզ առաջիկա առաքելություններին պատրաստվելու գործում»,- ասել Է Լայթֆութը:

2017 թվականի ասղանավորդների դասարանի ընտրության հայտեր Էր տվել ռեկորդային թվով՝ 18 հազար 353 մարդ,- ԱՄՆ-ում այս մասնագիտության նկատմամբ նման հետաքրքրություն դեռ երբեք չի եղել:

Արարողությանը նաեւ մասնակցում Էր ԱՄՆ-ի փոխնախագահ Մայք Փենսը, ով հայտարարել Է, որ «դուք մեզնից լավագույններն եք … եւ պետք Է թռիչքներ կատարեք Լուսնի սահմաններից դուրս եւ, հնարավոր Է, դառնաք առաջիններն, ովքեր կթռչեն Մարս»: Մրցույթին մասնակցության հայտերն ընդունվել են 2015 թվականի դեկտեմբերից մինչեւ 2016 թվականի փետրվարը: Հայտեր կարող Էին տալ ԱՄՆ-ի այն քաղաքացիները, ովքեր բակալավրի աստճան ունեն ինժեներիայի, կենսաբանության, բժշկագիտության, համակարգիչների կամ մաթեմատիկայի բնագավառում, ինչպես նաեւ զինվորական օդաչուները, որոնք թռել են առնվազն հազար ժամ:

Երջանիկներին, որոնք նախքան առաջին թռիչքը պետք Է երկու-երեքամյա պատրաստություն անցնեն, ընտրել են հիսուն ֆինալիստներից: Ապագա աստղանավորդները պատրաստություն սկսելու համար Հյուսթոն կժամանեն արդեն օգոստոսին: