Ցուլերն օրվա ընթացքում հաջող պահեր կունենան, սակայն… Հունիսի 1-ի աստղագուշակ

Խոյ

Խոյերի համար առաջին պլան կարող են դուրս գալ հրատապ ուղևորությունները, բացառված չեն կարճատև գործուղումները, այցերը ատյաններ, բժիշկներին: Հաջող կլուծվեն մանր նյութական խնդիրները: Աճում է խճճվածության, գրգռվածության և անհանգստության րոպեների հավանականությունը՝ հատկապես վազվզոցի, շտապողականության պայմաններում, գործի նկատմամբ անփույթ վերաբերմունքի, ոչ բավարար կազմակերպվածության դեպքում:

Ցուլ

Ցուլերն օրվա ընթացքում հաջող պահեր կունենան, սակայն վերջնական արդյունքը պոտենցիալ հնարավորություններից կարող է ցածր լինել: Չի խանգարի դրսևորել շարժունություն, ըմբռնողություն, բծախնդրություն: Արժե հետևել, որպեսզի պայմանավորվածությունները մանրակրկիտ կատարվեն՝ նույնիսկ մանրուքներում: Չարժե շտապել երկարաժամկետ համաձայնագրերի, ուղևորությունների, ուսման, որոնումների նոր փուլի հարցում:

Երկվորյակ

Երկվորյակների համար օրը հղի է բազմաթիվ խափանումներով: Կարող են խանգարել արտաքին հանգամանքները, ձեր կամ ուրիշների թերացումները: Կարող է դժվար լինել հետևել պայմանավորվածությանը, պաշտպանել ձեր կարիքները, հավասարակշռություն պահպանել մերձավոր շրջապատի հետ շփման մեջ: Անհրաժեշտ արդյունքին հասնելու համար արժե դրսևորել հավաքվածություն, շարժունություն, ինքնատիրապետում, գործնականություն:

Խեցգետին

Խեցգետիններին օրը շատ տպավորություններ է խոստանում, պահանջում է շարժունություն, ճարպկություն, շփվողականություն: Հնարավոր է գործերի ավարտի հետ կապված շտապողականություն, հրատապ ուղևորություններ, օգտակար բացահայտումներ, արկածներ ճանապարհին կամ գործընկերների, ուղեկիցների հետ շփման մեջ: Օրվա իրավիճակները կարող են զվարճալի լինել, եթե ամուր են ձեր նյարդերը, և գրգռել ձեզ, եթե հակված եք անհանգստության:

Առյուծ

Առյուծներին աստղերը խորհուրդ են տալիս զերծ մնալ նախաձեռնություններից և բծախնդրություն դրսևորել ընթացիկ գործերում: Ուշադրության, զգուշության, գործնականության պակասը կարող է բացասաբար անդրադառնալ ցանկացած գործընթացի, ցանկացած գործարքի արդյունքի վրա: Կարևոր է ունենալ հստակ տվյալներ, օգտակար տեղեկատվական աղբյուրների մուտքի իրավունք: Ցանկալի է հրաժարվել գնումներից՝ բացի ամենակարևորներից:

Կույս

Կույսերի համար օրն անհանգիստ է, հատկապես, եթե ուսերին պատասխանատվության բեռ կա: Հնարավոր է կարողանաք միայն ձեզ վրա հույս դնել: Աճում է խոցելիությունը, հնարավոր է սուր արձագանք ցանկացած գրգռիչի նկատմամբ: Հնարավոր են արտաքին խոչընդոտներ, որոնք թույլ չեն տա շարժվել ձեր ճանապարհով և հետևել ձեր շահերին: Ցանկացած անփութություն կբարդացնի կամ կերկարացնի ձեր ճանապարհը:

Կշեռք

Կշեռքներին այսօր խորհուրդ չի տրվում սրընթաց առաջընթացի հույս ունենալ: Լավագույն օրը չէ հանրային միջոցառումների մասնակցելու, սեփական տաղանդների և արժանիքների բացահայտման, գործընկերային կապերի պահպանման համար: Գործերի ներքին կողմը կարևոր է արտաքինից, հատկապես, եթե ուրվագծվել է ավարտական փուլը: Լավ կլինի զբաղվել ուղղության շտկմամբ, սխալների հայտնաբերմամբ, վերանորոգման աշխատանքներով:

Կարիճ

Կարիճներին կարևոր է ոչ մի դետալ բաց չթողնել, քանի որ այժմ դրանից կարող է կախված լինել ոչ միայն ներկան, այլև ապագան: Օրը հարմար է մանրակրկիտ ստուգումների, բծախնդիր հետազոտությունների, մանր վերանորոգման, սխալների հայտնաբերման և վերացման համար: Հանգամանքները կարող են պահանջել երկար ժամանակ գտնվել մասնագիտացված տարածքում կամ հիմնարկում, օրինակ՝ լաբորատորիայում, ապահովագրական ընկերությունում:

Աղեղնավոր

Աղեղնավորներին խորհուրդ է տրվում սխալներ թույլ չտալ, քանի որ մանրուքներն այսօր ռազմավարական նշանակություն են ստանում: Աճում է սխալների, ղեկավարության, հաճախորդների, գործընկերների, այլ շահագրգիռ անձանց հետ տարաձայնությունների հավանականությունը: Եթե պարտքը կամ այլ հանգամանք անձնական պատասխանատվության կոչ չեն անում, ավելի լավ է զիջել նախաձեռնությունը, խուսափել հանրային ելույթներից:

Այծեղջյուր

Այծեղջյուրներին խորհուրդ չի տրվում հույսը դնել ճակատագրի վրա. այսօր այն խաբուսիկ է: Անակնկալների հավանականությունը ցածր է, եթե նախապես պատրաստ եք դրանց: Օգտակար են նախապատրաստմանը, ապահովագրմանն ուղղված միջոցառումները: Չարժե համագործակցություն սկսել մարդկանց կամ ատյանների հետ, եթե ձեզ մոտ չունեք անհրաժեշտ փաստաթղթեր, չեք տիրապետում անհրաժեշտ հնարքների:

Ջրհոս

Ջրհոսների տեսադաշտում այսօր կհայտնվեն դետալներ, որոնք շատերը կգերադասեին չտեսնել: Հնարավոր է ստիպված լինեք բախվել նախկին թերացումների հետևանքներին, ինչ-ինչ ծրագրերի, երթուղիների, կանոնների, սխեմաների, կառուցվածքների խոցելի կետերի, մարդկանց, իրերի, նյութերի, գործիքների բացահայտ կամ քողարկված թերությունների հետ: Օրը ժամանակ է տալիս ուղղելու անզգուշությամբ գործած տեխնիկական սխալները:

Ձկներ

Ձկներին օրը կախվածության մեջ է գցում հանգամանքներից և ուրիշների կարծիքներից: Կարող են ակտիվանալ մրցակիցներն ու քննադատները, անփութություն դրսևորել գործընկերները: Բացառված չեն մտերիմների հետ տարաձայնությունները: Չնայած համաձայնության գալու հնարավորությանը՝ տպավորվող նյարդային Ձկները կարող են սթրեսի ենթարկվել: Անցանկալի են նոր պայմանագրերը, քանի դեռ հներում պարզված չեն նրբությունները: