Թուրքիան հայտնում է Անկարայում պայթյուններից 86 զոհերի մասին

Անկարայում հոկտեմբերի 10-ի առավոտյան տեղի ունեցած երկու պայթյունների հետեւանքով զոհվածների թիվը հասել է 86-ի, վիրավորվել է 186 մարդ:

Այս մասին, ինչպես հաղորդում է Արմենպրես-ը, հայտնում է «Անատոլու» լրատվական գործակալությունը` հղում կատարելով այդ երկրի առողջապահության, ներքին գործերի եւ արդարադատության նախարարությունների համատեղ հայտարարությանը:

Պայթյունների հետ կապված` ԹուրքիայիՆախագահ Ռեջեփ Թայիփ Էրդողանըհայտարարել է, որ Անկարայում կազմակերպված պայթյունների նպատակը երկրում հանրության միասնությունը խաթարելու միջոցով քաղաքացիական դիմակայություն առաջացնելն է: «Խստորենդատապարտում եմ մեր միասնությանն ուհավասարությանը, երկրի կայունության խախտմանն ուղղված այդ պայթյունները», -ասել է նա:

Նշվում է, որ ներկայում Թուրքիայի իշխանություններն անում են ամեն հնարավորը հանցագործներին հայտնաբերելու համար:

Թուրքիայի անվտանգության մարմինները հայտնել են, որ պայթյուններն իրականացրել են մահապարտ ահաբեկիչները:

Անկարայում երկաթուղային կայարան տանող կամրջի տակ երկու պայթյունները որոտացել են «Ոչ պատերազմին, խաղաղություն եւ աշխատանք» կարգախոսով արհմիութենական հակառազմական հանրահավաքի մեկնարկից առաջ:

Նշվում է, որ այդ պայթյունների հետեւանքով մեծ վնաս է կրել նաեւ Անկարայի երկաթուղային կայարանի պատմական շենքը: Հանրահավաքի մասնակիցները մտադիր էին կոչ անել Թուրքիայի կառավարությանը վերջ դնել քրդերի հետ բախումներին:

Թուրքական ԶԼՄ-ները հրապարակել են պայթյունների պահը եւ հետեւանքը ցուցադրող տեսանյութեր, որտեղ դրանք տեղի են ունենում այն պահին, երբ հանրահավաքը սկսվելուց առաջ մասնակիցները պարում էին: