Երկարատեւ հարաբերություններ կառուցելու հինգ պայման

1. Փակեք աչքերը եւ զգացեք, թե ինչ կմտածեք այդ մարդու մասին: Նրա բարության, հավատարմության, խորաթափանցության, նվիրվածության, ձեզ հոգ տանելու նրա կարողության եւ իրեն, որպես անկախ արարածի, հոգ տանելու կարողության մասին:

2. Մի գլխավոր տարբերություն կա այն մարդու միջեւ, որն ի վիճակի է երկարատեւ հարաբերությունների զուգընկեր դառնալ, եւ նրա, ով ի վիճակի է զուգընկեր լինել միայն կարճ ժամանակով: Եվ այդ տարբերակիչ նշանը սովորելու կարողությունն է: Նա, ով ի վիճակի չէ իրերին նայել նոր հայացքով, ով հետաքրքրասեր չէ աշխարհի եւ նրա կառուցվածքի հանդեպ, այն բանի, թե ինչպես են կառուցված մարդիկ, շատ հաճախ փակվում է եւ ասում. «Ո՛չ, ամեն ինչ կարող է լինել միայն այսպես կամ այնպես»:

3. Ընտրեք նրան, ով ուզում է այնպիսին լինել, ինչպիսին դուք եք` միաժամանակ ուժեղ եւ զգայուն: Օրինակ՝ ուժը, որին ծառն է տիրապետում: Ուժեղ քամին կարող է հարվածել նրան, բայց իր ճկունության շնորհիվ այն կշարժվի քամու հետ միասին: Եթե չճկվի, ապա կկոտրվի: Զգայունություն ասելով նկատի ունեն շրջապատում տեղի ունեցողն ընկալելու կարողությունը:

4. Ընտրեք նրան, ով ցույց է տալիս, որ ցավ է զգում, երբ նրան ցավ եք պատճառում: Նաեւ հակառակը: Ընտրեք նրան, ով ձեզ ցավ պատճառելով՝ տեսնում է ձեր ցավն ու ափսոսում: Դա շատ կարեւոր է:

5. Ընտրեք նրան, ով սեփական կյանքն ունի: Ընտրեք նրանց, ովքեր սեփական ուղիով են գնում եւ ձեզ ընկալում են որպես այդ ուղեւորության ուղեկից: Նման մարդիկ կարողանում են միավորվել ուրիշների հետ, բայց առանձին մնալ: Դա նույնպես շատ կարեւոր հատկություն է: