Ինչու է Սիրուշոն ամենաոճայինը (լուսանկարներ)

Wnews.am-ը գրում է.

Ինչ է նշանակում լինել ոճային, ինչու ոմանք, առանց ջանքերի, ամենասովորական հագուստով ոճային տեսք են ունենում, իսկ ոմանք, չնայած երկարատև աշխատանքի ու ներդրած մեծ գումարների, այդպես էլ ներկայանալի ու ոճային կերպար չեն ստանում:  Wnews.am-ը երգչուհի Սիրուշոյի օրինակով կփորձի պատասխանել այս հարցերին: 

Անկասկած, Սիրուշոն ամենաոճային երգչուհին է Հայաստանում: Դա ոչ միայնWnews.am -ի կարծքին է , այլ ՝Սիրուշոյի մեծաթիվ երկրպագուների, Հայաստանում բոլոր հեղինակավոր ամսագրերի, դիզայներների կարծիքը:

      

Բայց ինչո՞ւ: Ի՞նչն է Սիրուշոյին դարձնում ամեաոճայինն ու տարբերվողը:

Ընտրված հագո՞ւստը, գույնե՞րը, դրանց համար ծախսված գումարնե՞րը: Իսկ եթե նրա զգեստապահարանը նվիրենք մեկ այլ երգչուհու կամ դերասանուհու՝ Նանային, Լիլույին, Շուշան Երիցյանին… Նրա՞նք էլ նույնքան ճաշակով, ոճային ու ներդաշնակ տեսք կունենան: Կարծում ենք, որ ոչ՛:

Չէ որ ոճը դա ոչ միայն հագուստն է, այլ՝ մարդու կենսակերպը, աշխարհընկալումը, հասարակությանը ճիշտ ներկայանալու կարողությունը: Եվ, բնականաբար, ոճային լինելու համար պետք է ունենալ ճաշակ՝ ընտրել կառուցվածքին համապատասխան հագուստ, ճիշտ համադրել գույները, համապատասխան դիմահարդարում և վարսահարդարում անել, ընտրել ճիշտ աքսեսուարներ, բայց այս ամենը պետք է ներդաշնակ և համահունչ լինի մարդու ներքին աշխարհի հետ, միայն այդ դեպքում նա կընկալվի որպես մեկն, ով ունի սեփական ոճ:

Սեփական ոճը, ինքն իրեն հավատարիմ լինելը մարդուն տալիս է անսահման ազատություն, նա ստիպված չի լինում հետևել նորաձևության բոլոր օրենքներին, վերջին թրենդներին, ստիպված չի լինում պլաստիկ վիրահատությունների դիմել, օրերով սոլյարիներում անցկացնել, քանի որ սեփական ոճը գալիս է ներսից և առաջին հերթին ենթարկվում է մարդու ներքին օրենքներին , սեփական ոճը միշտ շատ բնական է:

Սիրուշոն միշտ բնական տեսք ունի, այո՛ նա դիմահարդավում է, երբեմն անգամ շատ, բայց նա միշտ ընտրում է իր դեմքին համապատասխան դիմահարդարում, շրթներկի գույն. այլ ոչ այն, ինչ նորաձև է: Սիրուշոն հաճախ փոփոխում է մազերի գույնը, սանրվածքը, բայց նա չի անում դա, որովհետև բոլորն են դա անում և նորաձև է, նա անում է, որովհետև այդպես է ուզում, այդպես է իրեն սազում. սովորաբար նրա սանրվածքները հետո կրկնում են մյուս հայտնիները: Սիրուշոյի դեմքն անհնար է շփոթել որևէ այլ դեմքի հետ, քանի որ  նույն դեմքն ունեցող, քթի նույն պլաստիկան, նույն ահռելի չափերի շրթունքների բոտեքսը, նույն հոնքերի տատուն ունեցող շոուբիզնեսյան դեմքերից շատ տարբեր է, քանի որ իրենն է, ոչ թե որևէ պլաստիկ վիրաբույժի երազանքների աղջկանը: Եվ այս դեպքում պլաստիկ վիրաբույժին չդիմելու պատճառը ոչ թե անթերի դիմագծերն են, ի վերջո, ինչպես բոլորս, նա էլ ունի թերություններ, կարող էր քիթը վիրահատել, շուրթերը հաստացնել, բայց նա դա չի անում, միայն ինքն իրեն այնպիսին, ինչպիսին կա սիրելու և ընդունելու պատճառով:

Ինչ ենք հաճախ մենք տեսնեում. կինը հաստացրել է իր շրթունքները, մեծացրել կուրծքը և…չգիտի ինչ անել դրա հետ: Չգիտի ինչպես և որտեղ ցույց տա իր «հարստությունը». սկսում է անբնական դեմքի արտահայտությամբ սելֆիներ, անհարմար դիրքերով արված լուսանկարների շարք. գլխավորը՝ իր Մհարստությունը» լուսանկարներում լավ երևա: Արդյունքում՝ ստացվում է անբնական, անհասկանալի ինչ-որ կերպար, չես հասականում , ինչ է ուզում այս կինը, ինչն է նրան մոտիվացնում, ով է նա, ինչու է այսպիսի լուսանկարներ անում:

Ոճ ունեցող, ինքն իրեն գնահատող մարդը ինքն իրեն ցուցադրելու կարք չունի, իր բոլոր մարմնի մասերն ու դեմքը ներդաշնակության մեջ են և լուսանկարներն էլ ստացվում են բնական, քանի որ չի առանձնցնում իր մարմնի որևէ հատվածը, սիրում է իրեն ամբողջությամբ ոտքից գլուխ, այնպես, ինչպես կա:

Ի վերջո, ոճն այն է, թե ինչպես է մարդն իրեն զգում, ինչպես է ինքն իրեն վերաբերվում, ինչպես է վերաբերվում իրեն շրջապատող մարդկանց, ոճը մարդու բնավորությունն է: Սիրուշոն ընտրել է իր այս բոլոր հատկանիշներին համապատասխան ոճ՝ թինեյջերական տարիքում նա  երիտասարդական, սպորտային ոճ ուներ, հիմա, երբ արդեն մայր է դարձել՝ կանացի, էլեգանտ տեսք։ Իրականում, նա ոչ մի առանձնահատուկ բան չի անում, ավելին. նա ուղղակի այնպիսին է, ինչպիսին կա:

Նրա օրինակով մենք ուզում ենք բացատրել, որ ավելի հեշտ է ընտրել ինքդ քեզ, ավելի ճիշտ ու բնական է լինել այն, ինչ կաս: Այդպես, անգամ  ամենասովորական հագուստով, կլինես ավելի ոճային ու հետաքրքիր: Լինել ոճային նշանակում է լինել անհատականություն, լինել հավատարիմ ինքդ քեզ: