Բոլոր ժամանակների 5 ամենատարօրինակ բժշկական գործերը

ՖՈՏՈ 5 Մայիս, 2017 0:09

Բժշկությունն անսահման հետաքրքրություններով լի գիտություն է։ Բոլոր ամենահետաքրքիր բժշկական գործերը որևէ կերպով կապված են խորհրդավոր հրաշքների հետ։

Ատամներ ուղեղում

ԱՄՆ-ում բժիշկները 4 ամսական երեխայի ուղեղից ուռուցք են հեռացրել, որում հայտնաբերել են մեծ քանակությամբ ձևավորված ատամներ։ Հետագայում պարզվել է, որ ուռուցքն առաջացել է ատամների բջիջներից, ինչի արդյունքում էլ առաջացել են ատամները։

Ջղաձգումներ՝ սուդոկուի պատճառով

2008 թվականին մի տղամարդ ձյան սողանքի տակ է մնացել։ Բարեբախտաբար, նրան հաջողվել է փրկել, սակայն հիվանդանոցում նրան մոտ շատ տարօրինակ ախտանիշ է ի հայտ եկել։ Փորձելով կտրվել ձանձրույթից՝ տղամարդը սուդոկու է վերցնում և փորձում լուծել, սակայն հենց սուդոկուն վերցնոմ է ձեռքը, ձախ ձեռքում ուժգին ջղաձգումներ են լինում։ Բժիշկները չեն հասկանում, թե ինչ է պատահել տղամարդու հետ և խորհուրդ են տալիս այլևս չլուծել սուդոկու։

Ծննդաբերություն 70 տարեկանում

2016 թվականին Հնդկաստանի բնակչուհին առաջին անգամ մայր դարձավ 70 տարեկան հասակում։ Երեխայի հայրը կնոջ 79-ամյա ամուսինն էր։

Կանաչ մարդ

2013 թվականին Չինաստանի բնակիչը ընդամենը մի քանի օրվա ընթացքում ամբողջովին կանաչել է։ Կանաչել է ոչ միայն տղայի մաշկը, այլ նաև աչքերի սպիտակ հատվածը։ Հետագայում պարզվել է, որ այդ ամենի մեղավորը խխունջներն են եղել, որոնք տղամարդը կերել է ամեն օր։ Բանն այն է, որ խխունջների մեջ մակաբույծներ են եղել, որոնք, հասնելով լյարդին, խանգարել են օրգանիզմի բնականոն աշխատանքը։

Սմարթֆոնային կուրություն

Մի վախեցեք, այս կուրությունը ժամանակավոր բնույթ է կրում և տարածվում է միայն մեկ աչքի վրա։ Մեծ Բրիտանիայում գրանցվել են մի քանի դեպքեր, երբ մարդկանց մեկ աչքը կուրացել է՝ կողքի վրա պառկած սմարթֆոնով զբաղվելու հետևանքով։ Բժիշկները, ուսումնասիրելով դեպքերը, եկել են այն եզրակացության, որ ամեն ինչի մեղավորը սմարթֆոնն է։ Բանն այն է, որ կողքի վրա պառկած ժամանակ մարդու մեկ աչքը գրեթե փակվում է և սովորում է մթությանը, մինչդեռ մյուս աչքը վառ լուսավորության ազդեցության տակ է գտնվում։ Բարեբախտաբար, այդ կուրությունն անցնում է առավելագույնը մի քանի ժամերի ընթացքում։