Իրաքի գլխավոր շտաբի ղեկավարը խոստացել է Մոսուլի ազատագրումն ավարտել մայիսին
ՄԻՋԱԶԳԱՅԻՆԻրաքի գլխավոր շտաբի ղեկավար գեներալ-լեյտենանտ Ուսման ալ-Հանմին խոստացել է ԴԱԻՇ-ից Մոսուլի ազատագրումն ավարտել մայիսին՝ առաջիկա 3 շաբաթվա ընթացքում: Այս մասին գրում է իրաքյան «Աս-Սաբահ» թերթը:
Ալ-Հանմին նշել է, որ ԴԱԻՇ-ն առայժմ վերահսկում է արևմտյան Մոսուլի տարածքի մոտ 35%-ը, բայց նշել է, որ գործողությունն ավարտելու համար «առավելագույնը 3 շաբաթ» ժամանակ պետք կլինի:
Նա հավելել է, որ իրաքցի զինվորականների աշխատանքին օգնում է Ռուսաստանի, Իրանի և Սիրիայի մասնակցությամբ հետախուզական տվյալների փոխանակման կենտրոնը, որը հիմնվել է Բաղդադում 2015 թ.:
«Կենտրոնն օգտակար տեղեկություն է տալիս ահաբեկիչների գտնվելու վայրը պարզելու համար, և թիրախներն ընտրվում են քառակողմ կոորդինացիայի ճանապարհով»,- հայտարարել է Ալ-Հանմին:
Մոսուլի ազատագրման գործողությունը սկսվել է 2016 թ. հոկտեմբերին:



