Քարքարի երկրաջերմային տեղանքում ռեսուսրների առկայության գնահատականը հաստատվել է

Քարքարի երկրաջերմային տեղանքում ռեսուրսների առկայության վերաբերյալ նախնական երկրաբանական գնահատականը հաստատվել է: Այս մասին «Արմենպրես»-ի մամուլի սրահում հրավիրված ասուլիսում նշեց ՀՀ էներգետիկ ենթակառուցվածքների և բանական պաշարների նախարարի տեղակալ Հայկ Հարությունյանը:

«Ինչպես գիտեք, նախորդ տարի իրականացվեցին հորատման աշխատանքներ․ արդեն կա երկու հորատանցք՝ 1495 եւ 1682 մետր խորության վրա։ Նախնական երկրաբանական գնահատականը տեղանքի երկրաջերմային ռեսուրսի վերաբերյալ հաստատվել է, ներկայումս մշակվում է ծրագրի տեխնիկատնտեսական հիմնավորումը, իսկ 2017թ-ի ընթացքում իրականացվելու են խորհրդակցություններ հնարավոր ներդրողների հետ՝ եւս մեկ հորատանցքի կարիքի վերաբերյալ: Սա տեխնիկապես շատ բարդ ծրագիր է, որը նախատեսվում է մրցույթի ներկայացնել 2018թ. վերջին՝ արդյունքում կառուցելով մոտ 30 ՄՎտ հզորությամբ կայաÕ ¶»,-ասաց նա։

Անդրադառնալով ՀՀ հիդրոէներգետիկայի զարգացման հայեցակարգին` Հայկ Հարությունյանը նշեց, որ ներկայում մշակվում է հայեցակարգի իրականացման համար անհրաժեշտ բոլոր քայլերի ցանկը։ Նա տեղեկացրեց, որ ակտիվ քննարկումներ են ծավալվում բոլոր շահագրգիռ կողմերի հետ, նպատակն է ունենալ որակապես այլ հիդրոէներգետիկ համակարգ:

 «Նախորդ տարվա նոյեմբերին մինչեւ 1 ՄՎտ հզորության արեւային կայանների համար սահմանվեց սակագին, որից հետո բավական մեծ ակտիվություն նկատվեց ոլորտում։ Ներկայումս մի քանի կայան կառուցման փուլում է, շատ տնտեսավարողներ պատրաստվում են դիմել այդ լիցենզիայի համար։ Նախատեսում ենք 2017-2018թթ-ին մինչեւ 10 նման կայան ունենալ Հայաստանում, որոնցից առաջինները շահագործման կհանձնվեն արդեն այս տարվա ամռանը»,-հավելեց փոխնախարարը։