Իհարկե, ընտանիքս մեկ-մեկ սրտնեղում է, բայց չէ որ այդ ամենն անում են նաև իրենց բարօրության համար. Սուրեն Առուստամյան

ԼԱՅՖ 26 Ապրիլ, 2017 17:08

Դերասան Սուրեն Առուստամյանը, ում այժմ տեսնում ենք «Օտարը» հեռուստասերիալում եւ «Ազիզյաններ» սիթքոմում, Life.panorama.am-ի զրուցակիցն է:

-Սուրեն, նկարահանվում եք «Օտարը» հեռուստասերիալում, որտեղ մարմնավորում եք բացասական հերոսի: Հետաքրքիր է՝ ի՞նչպես է կայանում համագործակցությունը կադրի հետեւում:

- Այս թիմին ծանոթ եմ շատ վաղուց, քանի որ «Շանթ»-ի հետ համագործակցելու մոտ 7-8 տարվա փորձ ունեմ: Նկարահանման խմբում բոլորին ճանաչում ենք, ավելին՝ մենք ընկերներ ենք դարձել մի քանի նախագծերից հետո: Պետք է ասեմ, որ այս նախագիծն իսկապես շատ հետաքրքիր է ինձ համար, այն շատ արագ ու բարձր մակարդակով է իրականացվում, ամեն ինչ ապահովված է, որպեսզի դերասաններն ու ստեղծագործական թիմը ոչ մի խնդիր չունենա. Ինչ խոսք, սա նաեւ հեռուստաընկերության պրոդյուսերական թիմի շնորհիվ է:

-Բացասական հերոսի եք մարմնավորում, որը Ձեր կերտած մյուս բացասական հերոսների նման ատելի չի հեռուստադիտողի համար: Հետաքրքիր է՝ ինչպե՞ս եք կարողանում ստեղծել բացասական հերոսի, ում սիրում է հեռուստադիտողը (ինչպես գիտենք՝ քիչ են նման դեպքեր պատահում):

- Բացասական կերպարներ շատ եմ կերտել, բայց ամեն անգամ փորձում եմ տարբեր բացասական հերոսների մարմնավորել, որպեսզի չձանձրացնեմ հեռուստադիտողին: Ինչ վերաբերվում է բասական հերոսներով սիրվելուս, նշեմ, որ ես միշտ իմ հերոսների «դատապաշտմանն» եմ, իմ խաղով արդարացնում եմ կերպարներիս յուարքանչյուր, թեկուզ վատ քայլ: Պետք է ոչ թե մեղադրելով խաղաս կերպարդ, այլ արդարացնես նրան, իսկ հեուստադիտողը կդատի: Այս պատճառով էլ իմ կերտած բացասական կերպարներին մարդիկ սիրում են: Կոնկրետ «Օտարը» սերիալում իմ հերոսը որքան էլ բացասական է, նախկինում դատապարտված է եղել, ու հիմա էլ վատ քայլեր է անում, բայց ունի շատ նուրբ հումորային երանգ, որը սցենարիստի պրոֆեսիոնալ աշխատանքի շնորհիվ ավելի է զարգանում. Հենց այդ գծից ելնելով՝ իրեն են սիրահարվում շրջապատող աղջիկները: Թող ինձ ներեն մեր սցենարիստները, բայց սյուժետային գիծը հիմնականում չեն կարողանում պահել, ինչը կարծես թե բացակայում է այս սերիալի դեպքում: Սցենարը շատ լավն է, որի գիծը միմիայն զարգացնում է հրաշալի սցենարիստը:

-Ինչպե՞ս են ընթանում նաեւ դերասանական թիմի եւ հատկապես ավագ սերնդի հետ աշխատանքը:

- Պարզապես հրաշալի: Մենք բացի կոլեգաներ լինելուց նաեւ ընկերներ ենք: Հովակ Գալոյանի հետ նախկինում աշխատել եմ, շատ լավ ենք իրար հասկանում, իսկ Նելլի Խերանյանի հետ առաջին անգամ խաղալու հնարավորություն ունեցա այս նախագծում: Ուրախ եմ իրենց հետ աշխատանքիս համար, ես անդադար շարունակում եմ սովորել՝ չնայած 11 տարեկանից թատրոնի բեմում եմ: Ավելին՝ սովորում եմ նաեւ դեռեւս ինստիտուտում սովորող երեխաներից եւ ուրախ եմ, որ իրենք էլ հարցեր են ունենում ու փորձում են փորձ քաղել:

-Այժմ նկարահանվում եք նաեւ «Ազիզյաններ» սիթքոմի երկրորդ եթերաշրջանում: Դժվար չէ՞ դրամատիկ եւ կոմեդիկ ժանրում միաժամանակ գործել:

- Շուտով արդեն կավարտվեն «Ազիզյաններ»-ի երկրորդ եթերաշրջանի նկարահանումները, սակայն աշնանը այն կունանա նաեւ երրորդ եթերաշրջան: Այստեղ շատ պրոֆեսիոանլ թիմ է աշխատում՝ ի դեմս «Կարգին ստուդիայի»: Հայկ Մարությանը եւ մյուս դերասանները, ինչպես նաեւ ռեժիսոր եւ պրոդյուսեր Արման Մարությանը, սցենարիստներն ու օպերատորները ամեն ջանք օգտագործում են լավ արտադարանք ստեղծելու համար: Ինչ վերաբերվում է ժանրային փոփոխությանը, ինձ շատ հետաքրքիր է: Անընդհատ փոփոխության դեպքում դերասանը չի սպառվում: Անհետաքրքիր է, երբ օրինակ մեկ տարի շարունակ մի կերպար ես մարմնավորում, այդ ժամանակ քեզնից անկախ հերոսիդ ապրումներով ես ապրում, իսկ այս պարագայում փոփոխությունը միայն շահավետ է: Ոչինչ դժվար չէ, եթե կա ռեժիսոր-դերասան ճիշտ ու պրոֆեսիոնալ աշխատանք:

-Սուրեն երկու նախագծում եք նկարահանվում, երեկոյան ժամանցի վայրերում նաեւ հանդես եք գալիս՝ որպես շոումեն, այս ամենին զուգահեռ նաեւ դասավանդում եք: Ինչպե՞ս եք հասցնում համատեղել:

- Պատկերացրեք, կարողանում եմ ամեն բան այնպես կոորդինացնել, որպեսզի ոչ մի կողմը չտուժի:

-Իսկ մեծ զբաղվածությունից ընտանիքը չի՞ տուժում:

- Պարտադիր ժամանակ եմ հատկացնում նաեւ նրանց, առանց դրա անհնար է: Իհարկե, նրանք մեկ-մեկ սրտնեղում են, բայց չէ որ այդ ամենն անում են նաեւ իրենց բարօրության համար:

-Սուրեն, վերջերս քննարկվեց Ձեր՝ հնարավոր ամուսնալութծության լուրերը: Դուք հերքեցիք այն, բայց այս մասով այժմ որեւէ հավելում ունե՞ք:

- Այդ լուրերը հերքվեցին, չկա նման բան, մեր ընտանիքում ամեն ինչ նորմալ է:

-Մարզասրահից արված Ձեր լուսանկարները երբեմն քննադատությունների են արժանանում՝ «Սուրեն Առուստամյանը սելֆիների սիրահար է, նա ինքնասիրահարված է» եւ այսպես շարունակ: Նման մեկնաբանություններ Ձեր հասցեին հաճախ կարելի է հանդիպել, դրանք չե՞ն նյարդայնացնում:

- Սպորտն իմ ապրելակերպն է: Շաբաթը երեք անգամ ես պարտադիր լինում եմ մարզասրահում: Նկարվել սիրում եմ, բայց դրանց շատ նշանակություն չեմ տալիս: Իհարկե, չեմ նյարդայնանում վատ մեկնաբանություններից, դրանց ժպիտով եմ վերաբերվում: