Մարին լե Պենը չի ցանկանում ապրել Ելիսեյան պալատում պետության ղեկավար ընտրվելու դեպքում

«Ազգային ճակատի» առաջնորդ Մարին լե Պենը չի ցանկանում ապրել Ելիսեյան պալատում առաջիկա նախագահական ընտրություններում պետության ղեկավար ընտրվելու դեպքում: Այդ մասին, ինչպես տեղեկացնում Է «Արմենպրես»-ը, նա հայտարարել Է TF-1 հեռուստաալիքի եթերում:
«Ես չեմ ցանականում այնտեղ ապրել: Ես երեք երեխա ունեմ եւ ցանկանում եմ լինել նրանց հետ միասին»,- պարզաբանել Է քաղաքական գործիչը:
Ինչպես նշում Է ՏԱՍՍ-ը, ֆրանսիական ընդդիմությունը քանիցս քննադատության Է ենթարկել Ֆրանսիայի հեռացող նախագահ Ֆրանսուա Օլանդին այն բանի համար, որ նա «հարկատուների հաշվին» նստավայրում տեղավորել Է իր ընկերուհուն՝ ֆրանսիացի դերասանուհի Ժյուլի Գայեին: 
Ավելի վաղ Մարին լե Պենը խոստացել Է ընտրություններում հաղթելու դեպքում լիովին արգելել ցանկացած ներգաղթ Ֆրանսիա այնքան ժամանակ, քանի դեռ չեն համաձայնեցվի եւ չեն ընդունվի նոր օրենքներ, որոնք կարգավորում են օրինական ներգաղթը:
«Ես ցանկանում եմ մորատորիում սահմանել օրինական ամբղջ ներգաղթի վրա, որպեսզի կասեցվի այս խելահեղ, չվերահսկվող իրադրությունը, որը մեզ ցած Է տանում»,-ասել Է լե Պենը Փարիզի հանրահավաքում ունեցած ելույթի ընթացքում: Դրանից հետո, նրա խոսքով, պլանավորվում Է սահմանել ներգաղթին վերաբերող «ավելի կոշտ, ավելի խելամիտ, ավելի մարդասիրական, ավելի վերահսկելի կանոններ»: 
Ֆրանսիայում նախագահական ընտրությունների առաջին փուլը կկայանա ապրիլի 23-ին, երկրորդ փուլը նախատեսված Է մայիսի 7-ին: