Բախումներ Երուսաղեմում, Իսրայելն արգելել է արաբների մուտքը Հին քաղաք

Երուսաղեմում բախումներ են տեղի ունեցել հրեաների և պաղեստինցիների միջև, ինչի հետևանքով առնվազան 72 պաղեստինցի է վիրավորվել` ռետնինե փամփուշտների կիրառումից:

Sky News-ը հայտնում է, որ այս ֆոնին Իսրայելը ծայրահեղ քայլի է դիմել` արաբների առաջ փակելով Երուսաղեմի Հին քաղաքը: Այս սահմանափակումը գործելու է 2 օր: Հին քաղաք են թողնելու միայն նրանց, ովքեր ապրում են Հին քաղաքում, զբոսաշրջիկներին, իսրայելական անձնագիր ունեցողներին, ուսանողներին, Երուսաղեմի պատմական մասում խանութներ ու ռեստորաններ ունեցողներին:
 Սհմանափակվել է նաև մուսուլմանների գլխավոր սրբատեղիներից մեկը` Ալ-Աքսայի մզկիթ արաբների մուտքը. այնտեղ այժմ կարող եմ ելումուտ անել 50-անց տղամարդիկ, կանայք ու երեխաները:

Նախօրեին 19-ամյա պաղեստինցին Հին քաղաքի Առյուծի դարպասի մոտ երկու տղամարդու էր սպանել` դանակահարելով, ինչպես նաև վիրավորել էր մի կնոջ ու երեխայի: Նույն օրը Հին քաղաքում նաև դեռահասի էին դանակահարել: Երկու դեպքում էլ իրսայելցի ոստիկանները գնդակահարել են «հարձակվողներին»:

Ավելի ուշ 19-ամյա պաղեստինցու գործողությունների պատասխանատվությունը ստանձնել էր «Իսլամական ջիհադ» խմբավորումը:

Պաղեստինյան մամուլը հերքում է դեպքերի իսրայելական մատուցումը, իսկ իշխանությունները դատապարտում են մուտք արգելափակելու որոշումը:

Իսրայելում դրությունը շարունակում է լարված մնալ, ըստ «Ռոսսիյսկայա գազետա»-ի սա կարող է վերաճել նոր «Ինթիֆադայի»` արաբների դիմակայությանը Իսրայելին: