Life.panorama.am-ը գրում է.
Այսօր Սուրբ Զատկի կամ Հիսուս Քրիստոսի հրաշափառ Հարության տոնն է: Զատիկը Հայ Առաքելական Ս. Եկեղեցու 5 տաղավար տոներից մեկն է:
Օրվա խորհրդի մասին Life.panorama.am-ը զրուցել է ԱՄՆ-ում բնակվող Արտավազդ Ամիրյանի կնոջ՝ Մարիամ Ամիրյանի հետ եւ տեղեկացել, թե ինչպես են այս տոնը ԱՄՆ-ում նշում:
«Մենք մեծ սիրով ենք պատրաստվում տոնին, այս տոնը մեր ընտանիքի ամենասիրելի տոներից մեկն է, եւ արդեն մեր ճուտիկի հետ միասին ավելի առանձնահատուկ է լինելու թե՛ օրը, եւ թե՛ զարդարանքը այդ օրվա թեմայով, որպեսզի իրեն էլ հետաքրքիր ու հաճելի լինի: Իհարկե, դրսում մի քիչ այլ է, բայց, փառք Աստծո, այստեղ ունենք հայկական առաքելական հրաշալի եկեղեցիներ, որտեղ եւ՛ տոներն են նշվում, եւ կիրակնօրյա պատարագները, ժամերգությունները: Նաեւ հաճելին այնն է, որ հատկապես տոն օրերին այստեղ գտնվող, կարելի է ասել ամբողջ հայությունը եկեղեցի է գալիս»,- պատմեց Մարիամը՝ հավելելով, որ թեկուզ արտերկորւմ կարողանում են պահպանել ավանդույթները.
«Եթե կապը պահում ես, այդքան էլ դժվար չէ հետևել ավանդույթներին, ուղղակի ավելի շատ ցանկություն է պետք, իսկ մեր պարագայում շատերիս մոտ ցանկությունը կա, մենք էլ փորձում ենք պահպանել եւ հետևել մեր ավանդույթներին, տոներին, չէ, որ դարերից ի վեր գոյություն ունի այն փաստը, որ մեր հավատքի եւ կրոնի շնորհիվ է մեր ազգը պահպանվել ու պահպանել, իր ազգային ինքնագիտակցությունը, եւ հատկապես, այն, որ օտար երկրում ենք գտնվում, առավել պետք է պահպանենք, հանուն մեր երեխաների»:
Մարիամը նկատեց, որ մեծ ուրախությամբ են պատրաստվել այս տոնին.
«Ձվախաղն ամենահաճելի պահերից մեկն է. Զատկին, մենք նախընտրում ենք կարմիրը եւ բնական ճանապարհով, սոխի շերտերից ստացված գույնը, քանի որ դա հենց համարվում է զատկին խորհրդանշող գույնը: Հետաքրքիր դեկորատիվ իրեր արդեն ընտրել ենք, շուտով արդեն մեր տան սիրուն անկյունը կձևավորենք: Ի դեպ՝ Օսիին շատ հետաքրքիր է այս ամենը, առհասարակ, նա շատ հետաքրքրասեր աղջիկ է: Հիմա գույները, իրերը, նապաստակները շուտով կշեղեցն նրա ուշադրությունը, հատկապես ձուն ջարդելու արարողությանը կփորձենք նրան մասնակից դարձնել»,- նշեց նա:
Մարիամ Ամիրյանի խոսքով՝ արդեն 2-րդ տարին է, ինչ Սուրբ Հարության տոնն անցկացնում են ԱՄՆ-ում: Մեզ հետ զրույցում նա հիշեց այս տոնի հետ կապված հայաստանյան հիշողությունները.
«Հիշողությունները շատ-շատ են, հատկապես շաբաթ երեկոյան պատարագին մասնակցելը, ապա ընտանիքով միմյանց ողջունելը Հարության ողջույնով»,- հուզված նշեց նա»:
Ի դեպ՝ Մարիամը պատմեց, որ ԱՄՆ-ում Հարության տոնին պատրաստվում են մեկ ամիս առաջ.
«Այստեղ Սուրբ զատկին պատրաստվում են դեռևս մեկ ամիս առաջ, զարդարում են շենքերի բակերը, տան ներսը եւ դա անում մեծ խանդավառությամբ: Եկեղեցին պահպանում է ավանդույթները, Աստվածաշնչի սերտողության օրեր ունի, եւ այլ տոները եւս միշտ նշվում: ռհասարակ, այստեղ ենեկեեցին գործում է այնպես, ինչպես Հայաստանում, գուցե ինչ, որ մի բանով պակաս կամ ավել: Հայերն էլ բոլոր տոների ժամանակ այցելում են եկեղեցի եւ մասնակցում պատարագներին, տեղ ու դադար չի լինում եկեղեցում, ինչն, իհարկե, շատ հաճելի է»,- նշեց Մարիամն ու նկատեց.
«Մենք էլ ընտանիքով փորձում ենք ավելի հաճախ գնալ եկեղեցի, հատկապես կիրակի օրերին, շատ սիրում ենք մասնակցել պատարագներին, հատկապես լսել շարականները: Ժամանակի հնարավորության դեպքում, անպայման գնում ենք»:
Արտավազդ ու Մարիամ Ամիրայններն, իրենց դստերը դաստիարակելիս, մեծ նշանակություն են տալիս նրա մեջ հենց փոքր տարիքից Աստծո նկատմամաբ սեր ու նվիրում սերմանելուն.
«Մենք ուզում եք քրիստոնյա մեծացնել մեր աղջկան: Մենք արդեն ամեն գիշեր քնելուց առաջ աղոթում ենք, աղջիկս գիտի, որ աղոթքից հետո իր պարանոցի խաչը պետք է համբուրի, արդեն սովորել է, նույնիսկ երբեմն իմ պարանոցի խաչն է համբուրում: Օսին դեռ փոքր է եւ կամաց-կամաց կսկսի ճանաչել Քրիստոսին»,- զրույցը եզրափակեց Մարիամը:
.jpeg)
