Սթինգը BBC- ին տրված հարցազրույցում մեկնաբանել է Հենրիխ Մխիթարյանի պատվին երկրպագուների կողմից իր երգի ձևափոխված տարբերակը

Աշխարհահռչակ երգիչ Սթինգը որդու հետ հյուրընկալվել է BBC հեռուսատալիքի ֆուտբոլային վերլուծաբան Մարկ Լոուրենսոնին, որտեղ երգիչը մեկնաբանություններ է արել իր հանրահայտ Englishman in New York (Անգլիացին Նյու Յորքում) երգի՝ Հենրիխ Մխիթարյանի պատվին ձևափոխված տարբերակի վերաբերյալ:

Ինչպես հայտնում  է BBC –ն Սթինգը խորապես տպավորված է այն բանով, թե ինչպես են Մանչեսթեր Յունայթեդի երկրպագուներն օգտագործել են իր երգերից մեկը՝ ձոնելով այն Հենրիխ Մխիթարյանին:

Մանչեսթեր Յունայթեդի երկրպագուները երգել են ‹‹Whoa Mkhitaryan, Henrikh Mkhitaryan, he՛s our midfield Armenian›› (Օ, Մխիթարյան, Խենրիխ Մխիթարյան, նա մեր հայ կիսապաշտպանն է) Englishman in New York երգի մեղեդու ներքո ‹‹Oh, I՛m an alien, I՛m a legal alien, I՛m an Englishman in New York›› բառերի փոխարեն:

‹‹Ես չափազանց ուրախ եմ այդ կապակցությամբ, ինձ դուր է գալիս, երբ իմ երգերը ձևափոխում են տարբեր նպատակներով: Իմ կարծիքով դա հիանալի է››,- ասել է Սթինգը BBC-ին տված հարցազրույցում:

Մանչեսթեր Յունայթեդը հինգշաբթի Եվրոպայի լիգային ¼ եզրափակչում ոչ ոքի է խաղացել Անդերլեխտի հետ՝ չկարողանալով պահպանել հաղթանակը Մխիթարյանի գոլից հետո:

Մխիթարյանը հաշիվը բացել էր 36-րդ րոպեին՝ գնդակը դարպաս նետելով շատ սուր անկյան տակ: Անդերլեխտին հաջողվեց պարտությունից խուսափել Լեանդեր Դենդոնկերայի շնորհիվ, որը գոլ խփեց հանդիպման ավարտից 4 րոպե առաջ: