Մաքսային արտոնություններ՝ 293 մլն դրամ ներդրումների դիմաց

ԲԼՈԳ 14 Ապրիլ, 2017 15:39

Անի Սանոսյանը ֆեյսբուքյան իր էջում գրում է.

Պետության հիմնական գործառույթն է արտոնություններ տրամադրել և խրախուսել մասնավոր ըներությունների գործունեությունը, որպեսզի բարենպաստ պայմաններ ստեղծման արդյունքում մասնավորը շահագրգռված լինի ներդրումներ իրականացնելու և աշխատըատեղեր ստեղծելու հարցում:

Երեկվա կառավարության նիստում միանգամից արտոնություններ տրամադրվեց մի քանի ընկերութունների: Այսպես, որոշվեց, որ «Երևանի քիմիա-դեղագործական ֆիրմա» ԲԲԸ կողմից գերակա ոլորտում իրականացվող ներդրումային ծրագրի շրջանակում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը կազատվեն ներմուծման մաքսատուրքից: Ներմուծվող սարքավորումն ընկերությունն օգտագործելու է դեղագործության ոլորտում։ Ծրագրով նախատեսված արտադրանքի ծավալները կկազմեն 1 մլրդ 300 մլն ՀՀ դրամ, որն իրացվելու է ԵԱՏՄ այլ անդամ երկրներում։ Ներկայումս ստեղծված է 176 աշխատատեղ՝ 140 հազար դրամ միջին աշխատավարձով: Նախատեսվում է ստեղծել 15-20 նոր աշխատատեղ։ Ներդրումները կկազմեն 293, 9 մլն դրամ։

Մեկ այլ որոշմամբ էլ նույն արտոնությունից օգտվելու իրավունք է տրվել «Այ պլաստ» ՍՊԸ-ին: Ներմուծվող հումքն օգտագործվելու է բժշկական կպչուն սպեղանիի արտադրության համար։ Ծրագրով նախատեսված արտադրանքի ծավալները կկազմեն 2-2,5 մլն դրամ։ Նախատեսվում է իրականացնել 20 000 դոլար ներդրում։ Ներմուծման մաքսատուրքից ազատման արտոնությունից կօգտվի նաև «Ֆենսի» ՍՊԸ: Ներմուծվող հումքն ընկերությունն օգտագործելու է ոսկերչության ոլորտում։ Ծրագրով նախատեսված արտադրանքի ծավալները կկազմեն 200 մլն դրամ։ Նախատեսվում է ստեղծել 21 նոր աշխատատեղ։ Ընկերության ներդրումները կազմում են 58 մլն դրամ, նախատեսվում է իրականացնել 90 մլն դրամի ներդրում։