Հաճելի չվերթի 7 գաղտնիքներ, որոնք հայտնի են շատ քչերին

Ինքնաթիռները տրանսպորտի ամենաժամանակակից տեսակներից են, այդ իսկ պատճառով էլ տարօրինակ չէ, որ ավիաճանապարհորդությունների բազմաթիվ նրբությունների մասին գիտեն շատ քիչ մարդիկ։

Պատուհանի մոտ ավելի ցուրտ է

Ինքնաթիռից դուրս օդի ջերմաստիճանը հասնում է մինչև -65 °С-ի, ինչը բերում է ինքնաթիռի կաղապարի սառեցման։ Այդ երևույթն առավել զգալի է պատուհաններին մոտ տեղերում՝ ամռան ամիսներին։ Այդ իսկ պատճառով, եթե որոշել եք հիանալ արծվի թռիչքի բարձրությունից բացվող տեսարաններով, ապա պետք է ավելի տաք հագնվեք։

Թեյից և սուրճից պետք է հրաժարվել

Ըմպելի ջուրը, որն օգտագործում են ինքնաթիռներում տարատեսակ ըմպելիքներ պատրաստելու համար, կարող է զանազան միկրոբներ պարունակել։ Այդ փաստն ապացուցել են գիտնականները մի շարք ինքնաթիռներից վերցված ջրերը ստուգելուց հետո։ Այդ իսկ պատճառով էլ ավելի լավ է հրաժարվել թեյից ու սուրճից և նախապատվությունը տալ շշալցված ջրին կամ բնական հյութին։

Բացվող սեղանը և գրպանիկն ինքնաթիռի ամենակեղտոտ վայրերից են

Թռիչքի ընթացքում հավաքված աղբը շատ հաճախ հայտնվում է դիմացի նստատեղին կպած գրպանիկներում, իսկ դրանք այնքան լավ չեն մաքրում, որքան մենք կցանկանայինք։ Իսկ բացվող սեղանների հետ ամեն բան ավելի բարդ է. շատ ուղեկցորդուհիներ խոստովանել են, որ դրանք շատ հաճախ օգտագործում են երեխաների տակդիրները փոխելու համար։ Այդ պատճառով անպայման խոնավ անձեռոցիկներ վերցրեք Ձեզ հետ, ուտելիքը մի դրեք սեղանի վրա՝ սկուտեղից դուրս, իսկ անձնական իրերն էլ պահեք Ձեր պայուսակում։

Թռիչքի համար լավագույն պահը առավոտն է

Եթե դուք հնարավորություն ունեք թռիչքի ժամերն ընտրելու, ապա նախապատվությունը տվեք առավոտյան ժամերին։ Առավոտյան ժամերին շատ ավելի քիչ է թռիչքի հետաձգման հավանականությունը, ինչպես նաև քիչ հավանական է տուրբուլենտությունը։

Վերջին շարքերում սպասարկումն ավելի լավն է

Առաջին շարքերում նստելու դեպքում դուք կարող եք ավելի արագ դուրս գալ ինքնաթիռից, սակայն վերջին շարքերում դուք ավելի լավ սպասարկում կստանաք։ Ինքնաթիռի անձնակազմը բացատրում է, որ վերջին շարքեր ավելի հեշտ է թաուն սնունդ հասցնել, որպեսզի խուսափեն նաև մյուս մարդկանց նմանատիպ խնդրանքներից։

Երբեք մինչև վերջ մի փչեք բարձիկները

Շատ մարդիկ մոռանում են ֆիզիկայի օրենքների մասին, երբ իրենց հետ փչովի բարձեր են վերցնում։ Ինքնաթիռի մեջ տատանվող ճնշման պատճառով բարձիկը կարող է ամեն պահի պայթել, այդ իսկ պատճառով էլ պետք է այն մինչև վերջ չփչել։

Մշտապես ընտրեք հատուկ մենյուի ուտեստները

Շատ ավիաընկերություններ մի քանի տեսակ մենյուներ են առաջարկում թռիչքի ընթացքում։ Նույնիսկ, եթե դուք որևէ նախասիրություն չունեք առաջարկվող սննդի հանդեպ, ընտրեք հատուկ մենյուները, քանի որ այդ սնունդն ավելի համեղ և զանազան է։