Գավառի քաղաքային գրադարանում բաց դասը վարեցին ապրիլյան հերոսամարտերի մասնակիցները

Գավառի քաղաքային գրադարանում կազմակերպված բաց դասը նվիրված էր բանակի անցած փառահեղ ու հաղթական ճանապարհին, նրա քաջարի զինվորներին ու կամավորներին, ապրիլյան հերոսամարտերին: Ինչպես «Արմենպրես»-ին տեղեկացրեց Գավառի քաղաքային գրադարանի աշխատակից Նորա Մարեմկոյանը,  բաց դասը կազմակերպելու եւ անցկացնելու յուրօրինակ   նախաձեռնություն  էր  հանդես   բերել  թիվ Գավառ քաղաքÕ « թիվ 1 հիմնական դպրոցի դասվար Ժենյա Միրիբյանը ՝ նախապես  համաձայնության գալով  գրադարանի տնօրինության  հետ: Դասվար Ժենյա Միրիբյանը  Հայաստանին եւ Հայոց  բանակին  նվիրված  թեմայի  ամփոփումն   անցկացրեց գրադարանում, որտեղ բացված էր  գրքերի ցուցահանդես՝  «Հայաստանը  մենք ենք» խորագրով: Ցուցադրված  գրքերը  համահունչ էին  բաց  դասի   թեմային: Աշակերտներին ներկայացվեց  «Հայոց բանակը» գիրքը՝ նախատեսված մանուկ ընթերցողների  համար: Դասվարն ամփոփեց թեման  հարցերի միջոցով:
ԲաÖ դասին ներկա էին ապրիլյան հերոսամարտերի մասնակիցներ Նորայր  Զախարյանը եւ Խաչիկ Գևորգյանը:  Երեխաները  հնարավորություն  ունեցան՝  իրենց  հարցերով  դիմելու  մերօրյա  հերոս  զինվորներին:  
«Վախենում էի, որ կզոհվեմ, եւ մորս աչքերը կարցունքեն: Վախենում էի, որ  թշնամին  առաջ կգա եւ կմտնի մեր տուն, վախենում էի, որ  ընկերս  կզոհվի : Պատերազմը  վատ   բան  է, թող  երբեք  չլինի  պատերազմ: Դուք  լավ  սովորեք  եւ մեր հայրենիքը  պաշտպանեք  գիտելիքով  եւ  արվեստով», - երեխաներիÖ մեկի հարցին ի պատասխան` ասաց Նորայր  Զախարյանը:
Խաչիկ Գևորգյանն  ասաց,  որ  պետք  չէ թերագնահատել  թշնամուն  եւ  նշեց  հայ  զինվորի  ուժեղ  կողմը՝ այն, որ մենք պաշտպանում ենք մեր հողը, մեր տունը եւ մեր ընտանիքը, որը մեզ ուժ  եւ անպարտելիություն է տալիս: 
Երեխաների  հարցին ի  պատասխան՝ Նորայրը նշեց նաև, որ բանակը  մեր ընդհանուր տունն է, որտեղ հայ  զինվորները  մի պատառ  հացը  պատրաստ  են քսան մասի բաժանել,  որ  բոլորին էլ մի  փշուր հասնի, որտեղ իրենք քնել են՝ մի  աչքը  բաց, մյուը՝ փակ: