«Կայֆալոմ» եղած հանրապետականներ

Կարկառուն հանրապետական Առաքել Մովսիսյանը, ում  ներկայությունից զուրկ կլինի նոր Ազգային ժողովը, հարցազրույց է տվել «Հրապարակ» օրաթերթին  և, պատասխանելով լրագրողի հարցերին, վերջապես լիակատար կերպով բացահայտել է պատգամավորի կոչման և պատգամավորական մանդատի նկատմամբ իր ամբողջական վերաբերմունքը։ Մովսիսյանը մասնավորապես նշել էր (հատված հարցազրույցից)․

- Պարոն Մովսիսյան, բայց տեղեկություններ կան, որ հնարավոր է մարզում գազի գրասենյակի ղեկավար նշանակվեք։

- Ցավդ տանեմ, ես էդքան նմա՞ն եմ, ես ո՜ւր, գազն ո՜ւր, էդի անհեթեթություն ա, հետո՝ ես ասել եմ, չէ՞, որ ճանապարհս չեմ փոխում, գազ-մազ ինձ չի հետաքրքրում, թող իրանք տան՝ մենք վառենք։ -

Հա, միայն պատգամավորի ճանապարհով եք, չէ՞, գնում։

 - Ըտենց հարցեր մի տուր՝ մենակ պատգամավոր։ Ոչ, պատգամավորն էլ ընձի կայֆ չի տալըմ, եղա՞վ։ 

Ինչպես կարող ենք եզրակացնել Առաքել Մովսիսյանի այս պատասխանից, վերջինիս պատգամավորական գործունեության ամենակարևոր մոտիվացիան եղել է նրա «կայֆը», սակայն այս դեպքում փոքր ինչ համոզիչ չի հնչում  այն որ Մովսիսյանին այլևս «կայֆ» չի տալիս պատգամավոր լինելը։

Ընդհակառակը թերևս անցած ընտրությունները Առաքել Մովսիսյանի համար դարձել են յուրօրինակ «կայֆալոմ»։ Ի դեպ ամենայն հավանականությամբ այս տեսանկյունից Առաքել Մովսիսյանը պետք է որ միայնակ չլինի, մի շարք ոչ պակաս կարկառուն հանրապետականների խորհրդարանում չհայտնվելու փաստը նույնման «կայֆալոմի» էֆեկտ պետք է ունենար վերջիններիս համար։

Տիգրան Դավթյան