ԱՄՀ ղեկավարը կանխատեսում է տնտեսության աճ

Արժույթի միջազգային հիմնադրամի տնօրեն Քրիստին Լագարդը համաշխարհային տնտեսության աճի վերաբերյալ լավատեսական կանխատեսում է արել, բայց նախազգուշացրել է հովանավորչական միջոցառումների վնասակարության մասին, հայտնում է «Ինտերֆաքսը»։

«Վեց տարվա հետ մնացող աճի տեմպերից հետո համաշխարհային տնտեսությունը ուժ է հավաքում, քանի որ ցիկլային վերականգնումը խոստանում է աշխատատեղերի, եկամուտների ու բարեկեցության աճ․- ասել է նա Բրյուսելում իր ելույթի ժամանակ,- Մենք սպասում ենք համաշխարհային տնտեսության մեջ գարնան սկզբին, ու չպետք է բաց թողնենք այդ հնարավորությունը»։

Այսաստտիճան լավատեսական հայտարարությունը ազդարարում է այն մասին , որ ԱՄՀ-ն կարող է բարելավել մակրոտնտեսական կանխատեսումները իր համաշխարհային կանխատեսման մեջ, որը կհրապարակվի ապրիլի 18-ին։ Հունվարին ԱՄՀ-ն ակնկալում էր ընթացիկ տարում ՀՆԱ-ի 3․4 տոկոսի աճ, 2016-ի 3․1 տոկոսի աճից հետո։

Բացի դրանից Լագարդը առանձնացրել է մի շարք վտանգներ, այդ թվում Եվրոպայում քաղաքական անկայունությունը ու աշխարհում հովանավորչական տրամադրությունների աճը։ Առեւտրային հոսքերի սահմանափակումը կդառնա «վնաս, որը հասցնում ես ինքդ քեզ» ու բացասաբար կանդրադառնա սպառողների ու աշխատողների վրա, ասել է նա։

Սահմանափակող միջոցառումների փոխարեն, ԱՄՀ ղեկավարը առեւտրային բալանսի բարձր դեֆիցիտով ու զգալի պրոֆիցիտով երկրներին խորհուրդ է տվել ընդլայնել համագործակցությունը՝ դիսբալանսը վերացնելու նպատակով։