5 սխալ, որոնք փչացնում են առաջին տպավորությունը

ԼԱՅՖ 9 Ապրիլ, 2017 11:06

Առաջին տպավորությունը շատ կարևոր է։ Գիտնականներն ապացուցել են, որ մարդիկ կարծիք են կազմում ինչ-որ մեկի մասին հենց առաջին տպավորության հիման վրա։ Լավ տպավորություն թողնելու համար միայն 7 վայրկյան ունեք, այնպես որ պետք է փորձել այնպես անել, որ այդ վայրկյանները ձեր դեմ չաշխատեն։

Adme-ն գրում է, որ որևէ մեկի հետ ծանոթանալիս՝ կարող եք 5 սխալ թույլ տալ, որոնք կփչացնեն ձեր թողած առաջին տպավորությունը։

1. Դուք ստում եք։

Ստելը վատ է՝ դա բոլորը գիտեն, սակայն բոլորս էլ կյանքում ստել ենք։ Նոր մարդկանց հետ ծանոթանալիս՝ ոչ մի դեպքում չի կարելի ստել։ Նա կարող է բացահայտել ձեր սուտն ու դուք նրա հիշողության մեջ որպես ստախոս կտպավորվեք։ Եղեք այնպիսին, ինչպիսին կաք ու մի փորձեք խաբել դիմացինին։

2. Չափն անցնում եք։

Երբեք չափը մի անցեք։ Նույնիսկ, եթե այդ հանդիպումից կախված է ձեր հետագա կյանքը՝ եղեք այնպիսին, ինչպիսին կաք։ Եթե շատ խելացի կամ սրամիտ երևաք, կարող եք փչացնել առաջին տպավորությունը։

3. Դուք շատ անկեղծ եք։

Անկեղծությունը դրական հատկանիշ է, սակայն պետք չէ պատմել ձեր կյանքի խնդիրներն անծանոթ մարդկանց։ Եթե նոր ծանոթների հետ սկսեք քննարկել ձեր առողջական կամ անձնական խնդիրներն, ապա բացասական տպավորություն կթողնեք։

4. Դուք վախենում եք լռությունից։

Անծանոթ մարդու հետ զրույցի ընթացքում որոշակի ընդմիջումները բնական են։ Այդ դադարների ընթացքում ձեր զրուցակիցը փորձում է ճանաչել ձեզ, ուսումնասիրել։ Պետք չէ դրանք անիմաստ հումորներով ու կատակներով լցնել։

5. Դուք շատ հետաքրքրասեր եք։

Մի փորձեք միանգամից բացահայտել անծանոթ մարդուն։ Չափից շատ հարցերը կարող են վանել նրան ու ձեր մասին վատ տպավորություն թողնել։ Թույլ տվեք, որ նա ինքը ժամանակի ընթացքում պատմի ձեզ այն, ինչ ցանկանում եք իմանալ։