3 տարբերակ՝ գարնանային յուրօրինակ դիմահարդարում անելու համար
ԼԱՅՖԳարնանը բոլոր աղջիկները փոփոխություններ են ցանկանում։ Այդ փոփոխությունները կարող են կապված լինել ինչպես արտաքինի, այնպես էլ ապրելակերպի հետ։
Tochka-ն գրում է, որ արտաքին փոփոխություններ անելու առաջին քայլը դիմահարդարումն է։ Գարնանային յուրօրինակ դիմահարդարում անելու համար պետք է հաշվի առնել սեզոնի բոլոր թրենդները։
Ահա, թե ինչպես կարելի է գարնանային գեղեցիկ դիմահարդարում անել։
1. Բաց վարդագույն երանգ։ Այս երանգը կօգնի թարմություն հաղորդել դեմքին։ Սակայն պետք է ուշադիր լինել ու այնպիսի երանգ ընտրել, որը համապատասխանում է ձեր մաշկի գույնին։ Բաց մաշկին համապատասխանում են պաստելային գույները, մուգ մաշկին՝ հատապտղային գույները։



2. Նարնջագույն երանգ։ Այս երանգը համապատասխանում է բոլոր աղջիկներին։ Պետք է միայն այն համադրել աչքերի գույնի հետ՝ որքան մուգ են աչքերը, այնքան ավելի մուգ պետք է լինի ստվերաներկի գույնը։ Այս երանգն ընդգծում է դիմագծերն ու դրանք ավելի արտահայտիչ դարձնում։



3. Նյուդային երանգ։ Այս երանգները համապատասխանում են այն աղջիկներին, որոնք նախընտրում են բնական դիմահարդարում։ Այս գունապնակը հարուստ է բնական տարբեր գույներով, որոնք օգտագործելու դեպքում խնամված տեսք կունենաք, սակայն դիմահարդարումն աչքի չի ընկնի։






