Բնավորության գաղտնիքներ, որ թաքցնում է աչքերի գույնը

1. Մուգ շագանակագույն։ Եթե քչերը մուգ շագանակագույն են, գրեթե սև, նշանակում է՝ պատասխանատու մարդ եք, ով միշտ ձգտում է կատարել իր խոստումները։ Ուժեղ բնավորություն ունեք, կարողանում եք որոշումներ կայացնել։ Այս մարդիկ հաճախ են հաղթանակներ տանում։ Նրանք կարողանում են պայքարել սեփական նպատակներին հասնելու համար և հրաժարվում են լսել «ոչ» բառը։

2. Շագանակագույն և բաց շագանակագույն։ Շագանակագույն աչքեր ունեցող մարդկանց շրջանում լավ զարգացած է ինտուիցիան։ Որոշումներ կայացնելիս սովոր են ղեկավարվել սեփական զգացմունքներով։ Երազկոտ, ստեղծագործ անհատներ են, ովքեր տանել չեն կարողանում բյուրոկրատիան և դրա հետ կապված խնդիրները։ Սիրում են գտնվել ուշադրության կենտրոնում։

4. Բաց շագանակագույն աչքեր ունեցող մարդիկ սովորաբար առավել զգացմունքային են, քան իրենց թվում է։ Զգացմունքները հաճախ են գերակայում տրամաբանությանը։ Նրանք հաջողությամբ կարողանում են աշխատել մարդկանց հետ։ Հաճախ են հաջողակ կարիերա ունենում։

5. Կանաչ։ Այս մարդկանց մոտ տրամաբանությունն ու զգացմունքները հավասարակշռված են։ Որոշումներ կայացնելիս նրանք առաջնորդվում են ինչպես՝ տրամաբանությամբ, այնպես էլ՝ ինտուիցիայով։ Հաճախ են կենտրոնական դիրքում լինում, քանի որ կարողանում են վերահսկել իրավիճակն ու մարդկանց։ Նրանց երբեմն անհանգստացնում են վատ տրամադրության բռնկումները, բայց նրանց զգացմունքային աշխարհը բավական արագ հավասարակշռում է էյֆորիան և դեպրեսիան։ Դժվարությամբ են համակերպվում միօրինակության հետ։

6. Դեղնականաչ։ Բավական իմպուլսիվ են՝ չնայած նրանց վարքագծում տրամաբանությունը միշտ հաղթում է։ Արագ ռեակցիա ունեն, ինչը թույլ է տալիս հարմարվել աշխատանքին, որը արագ որոշումներ կայացնելու ունակություն է պահանջում։ Սոցիալական մարդիկ են, մյուսների հետ շփվելու ցանկություն ունեն։ Հաճախ են հաջողություններ գրանցում սպորտային մրցություններում և լիդեր դառնում բիզնեսում։

7. Կապտականաչ։ Աչքերի այս գույնը վկայում է պատասխանատվության բարձր մակարդակի մասին։ Դա է պատճառը, որ նրանց հեշտությամբ հաջողվում է հաջողության հասնել կրթության և աշխատանքի մեջ։ Իմպուլսիվ են, առանձնանում են բարձր աշխատունակությամբ։

8. Կապտամոխրագույն։ Աչքերի այս գույնը հաճախ հանդիպում է հանգիստ մարդկանց շրջանում։ Այս մարդիկ բավական նման են այն անձանց, ում աչքերը կապույտ են։ Սա հատկապես վերաբերում է սեփական սխալները խոստովանելու անկարողությանը։

9. Բաց կապույտ։ Կարողանում են դիմադրել իրենց ներքին իմպուլսներին, իսկ որոշումներ կայացնելիս գերադասում են ղեկավարվել ինտելեկտով։ Նրանց բոլոր մտքերն ու քայլերը բացատրվում են տրամաբանությամբ։ Ընդունում են միայն այն, ինչ կարելի է ապացուցել փաստերի ու թվերի միջոցով։ Չեն ենթարկվում իրենց զգացմունքներին։