Թբիլիսիում հնդիկներին ստիպել են 1500 դոլար վճարել երկու բաժակ գարեջրի համար
ՄԻՋԱԶԳԱՅԻՆԹբիլիսիի ոստիկանությունը ձերբակալել է քաղաքի սթրիփթիզ ակումբի աշխատակիցներից մեկին՝ կողոպուտի մեղադրանքով, հայտնում է «Նովոստի-Վրաստանը»
Հնդկաստանից երեք զբոսաշրջիկներ դիմել են ոստիկանություն ու հայտնել, որ իրենք դրամաշորթության զոհ են դարձել, քանի որ ակումբի աշխատակիցները նրանց ստիպել են 3 հազար 6336 լարի վճարել՝ մոտ 1․5 հազար դոլար, երկու բաժակ գարեջրի համար։
Զբոսաշրջիկները պատմել են, որ իրենց մարտի 31-ին գնացել են ակումբ, որտեղ ընդամենը 10 րոպե են մնացել։ Նրանք երկու բաժակ գարեջուր են պատվիրել, բայց մատուցողը նրանց նաեւ բերել էր շամպայն, որը նրանք չէին պատվիրել։ Իսկ ակումբի աշխատակիցներն էլ սկսել էին տեսագրել նրանց։ Զբոսաշրջիկները հասկացել են, որ ինչ-որ բան այն չէ ու պահանջել են հաշիվը, որում նշված է եղել 3 հազար 636 լարի գումարը։
Իսկ երբ նրանք առարկել են, նրանց առանձին սենյակ են տարել, վերցրել նրանց անձնական իրերը, այդ թվում 200 լարի ու եւս 500 ռուպի ,այնուհետև նրանց քարտից հանել են 3636 լարի։ Դրանից հետո նրանց վերադարձրել են դրամապանակներն ու հեռախոսները ու բաց թողել։



