Ծառուկյանը բարեգործ մարդ ա, սաղ կյանքը արել ա. Գագիկ Ծառուկյան

29/29 ընտրատեղամասում իր քաղաքացիական պարտքն է կատարել «Ծառուկյան» դաշինքի ցուցակը գլխավորող Գագիկ Ծառուկյանը:

Քվեարկությունից հետո պատասխանելով հարցին, թե հանուն ինչի՞ է քվեարկել, նա ասաց. «Մենք մեր քարոզարշավը ծավալել ենք, ասել ենք խնդիրը, պրոբլեմը, լուծումը: Այսօր արդեն ամեն ինչ կախված ա մեր ժողովրդից, թե մեր ժողովուրդն ապրիլի 3-ից ինչ Հայաստան է ուզում. ում ժողովուրդը կհավատա, նա էլ թող պատասխան տա»:

«Եթե դուք լինեք Ծառուկյանի տեղը. մարդը պատասխանատվություն վերցնում է այն ժամանակ երբ ինքը կարող է դրա պատասխանը տա: Ես ոչ մեկին չեմ ուզում փնովեմ ոչ իշխանությանը, ոչ կառավարությանը, ոչ որևիցե մեկ այլ կուսակցության: Ամենակարևորը, որ կուսակցույթունը խոսք է տվել, որ ժողովրդին այս վիճակից կհանեն թող նրանք էլ գնան այդ հարցերը կարգավորեն, ես ասել եմ այն , ինչ որ կարող եմ անել, մի բան էլ քիչ եմ արել»,- ասաց նա:

Ինչ վերաբերում է ընտրակաշառքներ բաժանելուն, Ծառուկյանը նշեց` հիմա բոլորին հարցրեք ժողովուրդ Ծառուկյանից կաշառք ստացած կա՞ն:

Հարցին` Կոտայքում էլ չի բաժանո՞մ, Ծառուկյանն ասեց կարող եք գնալ Կոտայք և հետաքրքրվել, ով չգնա ամոթ իրեն: «Գնացեք ցանկացած քաղաքացու հարցրեք ուրեմն մենք ասում ենք լավ ծրագիր կատարենք, մենք չենք եկել այսօր գումարի համար, մենք եկել ենք գործ անենք: Գնացեք ցանկացած տեղ հարցրեք եթե մեկը կասի ուրեմն բաժանել եմ: Հիմա ինձ արգելել են, որ ես բարեգործություն անեմ, մարդը գալիս ա ինձ մոտ փորձեմ օգնել, պետք է ասեն Ծառուկյանին դատի ենք տալիս: Բայց Ծառուկյանը բարեգործ մարդ ա, սաղ կյանքը արել ա»: