Տավուշում առաջատարը Վարուժան Բաբաջանյանն է. հրապարակվել են Տավուշի ռեյտինգային թեկնածուների վարկանիշները՝ ըստ սոցհարցման. «Փաստ»

«Փաստ» օրաթերթը գրում է.

Այսօր հրապարակվել են հերթական՝ Տավուշի մարզն ընդգրկող թիվ 13 ընտրատարածքի ռեյտինգային թեկնածուների վարկանիշները՝ ըստ սոցիոլոգիական հարցումների:

Ակնհայտ առաջատարը «Ծառուկյան» դաշինքով առաջադրված Վարուժան Բաբաջանյանն է՝ շուրջ 14%:

Ընտրողների 11%–ը պատրաստ է ձայն տալ «Գրանդ հոլդինգի» ներկայացուցիչ, ՀՀԿ թեկնածու Գրիգոր Ավալյանին:

8%–ը ձայնը կտա ՀՀԿ մեկ այլ թեկնածուի՝ «Կիլիկիա» գարեջրի գործարանի սեփականատեր Հակոբ Հակոբյանին:

Լավագույն տասնյակում ՀՅԴ–ն երկու թեկնածու ունի՝ Սուրեն Մանուկյան, ում ձայն կտա ընտրողների 6%–ը և ճանաչված միկրովիրաբույժ Արտավազդ Սահակյանը՝ շուրջ 4%:

ՀՀԿ–ից Սեյրան Խառատյանին կընտրի տավուշցիների 3, Կարեն Նազարյանին՝ 2%–ը: Շուրջ 3%–ը պատրաստ է իր ձայնը տալ «Ծառուկյան» դաշինքի մեկ այլ թեկնածուի՝ Ժիրայր Մելիքսեթյանին:

«Հայկական վերածնունդ» կուսակցության թեկնածու Վահե Վարդապետյանին կընտրի Տավուշի ընտրողների 3%–ը, նույնքան մարդ պատրաստվում է ձայն տալ կրկին ՀՀԿ–ն ներկայացնող Վարդան Պետրոսյանին:

Հարցվածների շուրջ 14%–ը նշել են այլ թեկնածուների անուններ, ովքեր 1%–ից պակաս են ստացել:

Տավուշում առաջադրված ռեյտինգային թեկնածուներից ո՞ւմ օգտին կքվեարկեք, եթե ընտրությունները կայանան վաղը` հարցին դժվարացել է պատասխանել կամ դեռևս չի կողմնորոշվել ընտրողների 29%–ը:

Հարցմանը մասնակցել է 994 գրանցված ընտրող: Վիճակագրական անճշտությունը կարող է կազմել մինչև 3%:

Շարունակությունը` «Փաստ» օրաթերթի այսօրվա համարում: