Սոթքը մեկ ամսից կունենա խմելու ջրի մատակարարման նորացված համակարգ

Գեղարքունիքի մարզի Սոթք գյուղում երկու ուղղությամբ շարունակվում են խմելու ջրատարի արտաքին ցանցի, ջրահավաք ավազանի  կառուցման եւ օրվա կարգավորիչ ջրամբարների նորոգման աշխատանքները: Ինչպես  տեղեկացրեց Սոթքի գյուղապետ Կոլիկ Շահսուվարյանը, ջրատարի արտաքին ցանցի մեկ ուղղությունը սկսվում է զինվորական հրաձգարանի տարածքից` գյուղի արեւելյան հատվածի ջրահավաք ավազանից, մտնում օրվա կարգավորիչ ջրամբար եւ շարունակվում մինչեւ դպրոց, գյուղապետարան ու մանկապարտեզ ու նրանց հարակից թաղամաս:»Այս ջրատարը, որի երկարությունը կազմում է 4040 մետր, հիմնականում սնելու է գյուղապետարանի, դպրոցի եւ մանկապարտեզի շենքերը, նորակառույց զբոսայգին, նրանց մոտակա բնակարանները: Շինարարական աշխատանքների համար տեղական բյուջեից հատկացվել է 9 միլիոն 300 հազար դրամ: Բացված եւ մաքրված է գլխավոր աղբյուրի վրա կառուցված ջրահավաք ավազանը, ամբողջ երկարությամ բ փորված է խողովակաշարի խրամուղին, ձեռք են բերվել խողովակները: Շինմոնտաժային աշխատանքները կավարտվեն առաջիկա երկու-երեք շաբաթների ընթացքում»,-հավաստեց համայնքի ղեկավարը:

Խմելու ջրատարի արտաքին ցանցի կառուցման երկրորդ ուղղությունը սկսվում է գյուղի հարավ-արեւելյան հատվածից եւ ավարտվում մի քանի թաղամասերում:2013-15  թվականների ընթացքում տեղական բյուջեի միջոցներից ջրատարի այս հատվածի վրա ներդրվել է 13 միլիոն 850 հազար, «Վորլդ Վիժն Հայստան» կազմակերպության կողմից` 6,5 միլիոն դրամ: Հիմնական աշխատանքներն ավարտված են, մնում են ներքին ցանց մտնող գծերի միացումները: Այստեղ եւս աշխատանքները կավարտվեն հոկտեմբեր ամսի ընթացքում: Ըստ համայնքի ղեկավարի` երկու ջրատարները միասին վերցրած ապահովելու են մինչեւ հի նգ լիտր վայրկյան ջուր, որը լիովին բավարարում է շուրջօրյա ջրամատակարարում ապահովելու համար:»Գյուղի խմելու ջրի մատակարարման ներքին ցանցն ամբողջովին կառուցել ենք 2012 թվականին: Սակայն շուրջօրյա կանոնավոր ջրամատակարարում ունենալու համար պետք է սպառման ամեն կետում ունենանք ջրաչափեր, որպեսզի կարողանանք ապահովել եւ’ ջրի խնայողություն, եւ’ անխափան ջրամատակարարում: Կարծում եմ, որ բնակիչներն ըմբռնումով կմոտենան մեր որոշմանը»,-նշեց Կոլիկ Շահսուվարյանը