Ատոմակայանը սնուցող Մեծամոր գետի ջրի որակը մեկ ամսվա ընթացքում վատթարացել է

 Հայկական ատոմային էլեկտրակայանը սնուցող Մեծամոր (Սև ջուր) գետի ջրի քիմիական որակը վատթարացել է: Մեծամոր գետի՝ Վաղարշապատից հարավ և հարավ-արևելք ընկած հատվածներում ջուրը «անբավարար» որակի է (4-րդ դաս), իսկ Ռանչպարից ներքև՝ «վատ» որակի (5-րդ դաս): «Արմենպրես»-ի հաղորդմամբ` այս մասին վկայում են ՀՀ բնապահպանության նախարարության «Շրջակա միջավայրի վրա նե րգործության մոնիտորինգի կենտրոն» ՊՈԱԿ-ի մոնիթորինգի 2017 թվականի հունվարի արդյունքների հրապարակած տվյալները: Գետի ջրի բացասական որակը 2017 թվականի հունվարին պայմանավորված է եղել բորի և սուլֆատ իոնների պարունակությամբ:

2017 թվականի առաջին ամսվա տվյալներով` Մեծամոր (Սև ջուր) գետի ջրի ամենաբարձր 5-րդ դասի աղտոտվածություն գրանցվել է Ռանչպար գյուղից ներքև ընկած հատվածում, իսկ ՊՈԱԿ-ի 2016 թվականի դեկտեմբերի տվյալներով՝ Ռանչպարից ներքև գետի ջուրը գնահատվել էր 3-րդ դասի`«միջակ» որակի: Ընդամենը 1 ամսվա ընթացքում գետի ջրի որակը կտրուկ վատացել է՝ 3-րդ դասից հասնելով 5-րդ՝ ամենավատ դասի:

2017 թվականի հունվարին մակերևութային ջրերի որակի դիտարկումներ իրականացվել են հանրապետության 7 գետիև Երևանյան լճի 23 դիտակետում, որտեղից վերցվել է 23 փորձանմուշ: Վերցված փորձանմուշներում որոշվել էմիջին հաշվով 45 ցուցանիշ:

ՀՀ կառավարության «Կախված տեղանքի առանձնահատկություններից` յուրաքանչյուր ջրավազանային կառավարմանտարածքի ջրի որակի ապահովման նորմերը սահմանելու մասին» որոշմամբ (ՀՀ կառավարության 2011 թվականիհունիսի 27-ի N 75-Ն որոշում) ՀՀ-ում մակերևութային ջրերի որակի գնահատման համակարգը ջրի քիմիական որ ակի յուրաքանչյուր ցուցանիշի համար տարբերակում է կարգավիճակի հինգ դաս` «գերազանց» (1-ին դաս), «լավ» (2-րդ դաս), «միջակ» (3-րդ դաս), «անբավարար» (4-րդ դաս) և «վատ» (5-րդ դաս): Ջրի քիմիական որակի ընդհանրական գնահատականը ձևավորվում է վատագույն որակ ցուցաբերող ցուցանիշի դասով: Եթե ջրի որակի տարբերցուցանիշներ ընկնում են որակի տարբեր դասերի մեջ, ապա վերջնական դասակարգման մեջ հաշվի է առնվում վատագույնը: Գործում է հետևյալ սկզբունքը. «Եթե մեկը վատ վիճակում է, ապա բոլորն են վատ վիճակում»: Ջրամբարներում ջրի որակը« գնահատումը կատարվում է միայն սնուցող նյութերով: