ԱՀԿ-ն իջեցրել Է համաշխարհային առեւտրի կանխատեսումները 2015-2016 թվականների համար

Առեւտրի համաշխարհային կազմակերպությունը (ԱՀԿ) 2015 թվականի համար համաշխարհային առեւտրի ծավալի աճի կանխատեսումն ապրիլին սպասվող 3,3 տոկոսից իջեցրել Է մինչեւ 2,8 տոկոս, նշելով, որ Չինաստանում, Բրազիլիայում եւ մյուս emerging markets-ում ներմուծման պահանջարկի թուլացումը նպաստում Է այդ երկրների առեւտրական գործընկերների արտահանման ծավալների կրճատմանը:

Ինչպես ասված Է կազմակերպության կողմից պատրաստված տեղեկագրում, 2016 թվականի համաշխարհային առեւտրի ծավալի աճի կանխատեսումը 4 տոկոսից իջեցվել Է մինչեւ 3,9 տոկոս:

Չնայած այն բանին, որ ԱՀԿ-ն ցուցանիշի աճի արագացում Է սպասում հաջորդ տարի, աճի տեմպերն զգալիորեն ցածր են մնում վերջին 20 տարիների միջին մակարդակից (5 տոկոս):

«Կանխատեսումների վերանայումն արտացոլում Է մի շարք գործոններ, որոնք ճնշում Էին գործադրում համաշխարհային տնտեսության վրա 2015 թվականի առաջին կիսամյակում, այդ թվում՝ ներմուծման պահանջարկի անկումը Չինաստանում, Բրազիլիայում եւ մյուս emerging markets-ում, նավթի եւ հումքի մյուս տեսակների գների նվազումը, ինչպես նաեւ արժույթների փոխարժեքների զգալի տատանումները»,-ասված Է ԱՀԿ-ի տեսության մեջ: 

Ֆինանսական շուկաների անկայունությունը, դրամական քաղաքականության առումով ԱՄՆ-ի դիրքորոշման փոփոխության հեռանկարների անորոշությունը վատացրել Է համաշխարհային տնտեսության եւ առեւտրի հեռանկարները երկրորդ կիսամյակում եւ հետագա ժամանակաշրջանում, նշում են կազմակերպության փորձագետները:

Եթե ԱՀԿ-ի ընթացիկ կանխատեսումներն արդանանան, 2015 թվականը կդառնա անընդմեջ չորրորդ տարին, երբ համաշխարհային առեւտրի ծավալի աճի տեմպերը 3 տոկոսից ցածր են, հաղորդել Է «Ինտերֆաքս»-ը: