«Ես ընտրակաշառքով չեմ զվաղվում, ես իմ ժողովրդին սիրում եմ». Գագիկ Ծառուկյան

Այսօր՝ մարտի 11-ին, Ծառուկյան դաշինքի նախագահ Գագիկ Ծառուկյանը ելութ ունեցավ Վարդենիսում: Նա հորդորեց գնահատել թեկնածուներին՝ ըստ նրանց կատարած գործի, ծանոթանալով բոլորի իրականացրած գործունեությանը, ով լինելը: «Ինչ խոսք տվել եմ, արել եմ: Քիչ ասել եմ, շատ անելու եմ»,- ասաց նա:

Իր ելույթում Ծառուկյանը նշեց. «Սաղ-սաղ միլիոն ու կես ժողովուրդ ենք մնացել, մի հատ մեծ կոլեկտիվ ա: Մեզ մոտ չկա մի 50, 100 միլիոն ժողովուրդ, որ մտածես՝ ոնց: Ու ժողովուրդն էլ աշխատող ժողովուրդ ա»: Ծառուկյանը նաև հավելեց. «Ծառուկյանը ժողովրդի վստահությունը չի կորցնելու, այդ վստահությունը կրկնապատկելու ա, եռապատկելու և անհնարինը ժողովրդի համար անելու ա»:

Դաշինքի ղեկավարը խորհուրդ տվեց քվեարկել խղճի մտոք. «Գնում եք ընտրության, ոչ մեկի ո՛չ լսում եք, ո՛չ բան»:

Ապա Ծառուկյանը խոսեց սոցիալական խնդիրներից. «Ինչ որ կարող ենք անել, ես դա եմ ասում: Այսօր կա թանկություն, գազն ու հոսանքը ահավոր թանկ են, թոշակները ցածր են, բանկի տոկոսները բարձր են: Առաջնային խնդիրները դրանք են, որ մարդը կարողանա գոյատևել: Դրանից հետո պիտի լինեն ներդրումները»:

Անդրադառնալով ԿԸՀ նախագահի կողմից հնչեցված նկատողությանը, թե Ծառուկյանը դրամական և նյութական խոստումներով խախտել է օրենքը, վերջինս ասաց. «Այսօր պարոն Մուկուչյանը չի թողնում ժողովրդի հետ հանդիպեմ կամ որևիցե բան ասեմ՝ ապրիլի 2-ից հետո կանեմ, ասում է՝ դա ընտրակաշառք է: Ես ընտրակաշառքով չեմ զվաղվում, ես իմ ժողովրդին սիրում եմ, չի կարող մեկն ասել, որ Ծառուկյանին դիմել է և անպատասխան է մնացել, հարցը չի կարգավորվել»: