Հերպեսը անվտանգ, սակայն շատ տհաճ հիվանդություն է, որը հիմնականում արտահայտվում է շրթունքների վրա: Վերջերս, Յութայի և Մասաչուսեթսի համալսարանների գիտնականների համատեղ ջանքերով հաջողվեց հայտնաբերել շրթունքի վրա «մրսածության» արտահայտման համար պատասխանատու գենը: Herpes simplex labialis-ը՝ դա վարակ է, որի պատճառը կարող է լինել առաջին տիպի հասարակ հերպեսը: Եթե այդ վարակը գոնե մեկ անգամ արտահայտվել է, ապա հետագայում հնարավոր չէ նրանից ազատվել: Նույնիսկ հիվանդության դրսևորման ձևերի վերանալուց հետո վիրուսը որոշ ժամանակ պարզապես դառնում է պասիվ: Որպես կանոն, հերպեսն արտահայտվում է շրթունքներին կամ բերանի շուրջը: Հաշվի առնելով, որ այդ վիրուսով վարակված են մարդկանց զգալի զանգվածը, դրա արտահայտման հաճախականությունը կանխատեսել հնարավոր չէ:
Վերլուծելով կատարված հետազոտությունների արդյունքները, գիտնականները պնդում են, որ հերպեսի առաջացումը պայմանավորված է մի քանի գործոններով՝ ինքը վիրուսը, միջավայրի գործոնը, գենետիկ հակվածությունը: Գիտնականների հիմնական նպատակն էր որոշել հերպեսի արտահայտման հաճախականության համար պատասխանատու գենետիկ մեխանիզմը: Հարկավոր է նշել, որ նախկինում ևս գիտնականների միավորված մի խումբ զբաղվել է նման հետազոտություններով: Նրանք ուսումնասիրել են 43 մեծ ընտանիքներից վերցրած ԴՆԹ-ի օրինակները:
Ուսումնասիրության արդյունքում հայտնաբերվել է վիրուսի արտահայտման հետ առնչվող վեց գեն պարունակող 21 քրոմոսոմի շրջանը: Վերջին հետազոտություններում գիտնականները ավելի մանրակրկիտ վերլուծեցին նախկինում հայտնաբերված քրոմոսոմի շրջանը: Արդյունքների վերլուծությունը ցույց տվեց, որ հերպեսի արտահայտման համար պատասխանատու գենը կոչվում է C21orf91: Գիտնականներին հաջողվեց հայտնաբերել տվյալ գենի հինգ գլխավոր տարբերակները: Դրանցից մի մասը պաշտպանում է օրգանիզմը հերպեսից, իսկ մյուսը ընդհակառակը՝ բարձրացնում հիվանդանալու հավանականությունը: Նշենք, որ ներկայումս հերպեսի դեմ դեղամիջոցներ չկան:
