Սևակ Խանաղյանի և Գայա Արզումանյանի առաջի համագործակցության մասին

 Tert.am Life–ը գրում է

Սևակ Խանաղյանը և Գայա Արզումանյանը շուտով կներկայացնեն իրենց համատեղ առաջին աշխատանքը։ Զուգերգը կոչվում է«Այայի երկիր Արցախ»։ Tert.am Life–ը կապ հաստատեց Գայա Արզումանյանի պրոդյուսերի` Արայիկ Գաբաջյան հետ։ Վերջինս մեզ տրամադրեց տեսահոլովակի backstage լուսանկարներ ու զրուցեց համագործակցության մասին։

 «Սևակի երևանյան առաջին մենահամերգի ժամանակ եղավ համագործակցության գաղափարը: Երբ նրանք լսելով Գայայի կատարումները, հավանեցին ու միասին որոշեցինք, որ Գայան և Սևակը զուգերգով ներկայանան։ Այնուհետև զբաղվեցինք երգի ընտրությամբ։ Երկու կողմն էլ չէր ուզում, որ այն լինի սիրո մասին։ Մեր ցանկություն էր` այնպիսի երգ ընտրվի, որ ցույց տանք երկուսի ձայների հզորությունն ու գեղեցիկ տեմբրը։ Սկսեցինք փնտրել լավ երաժշտություն, բայց քանի որ մեր ժամանակակից կոմպոզիտորները միայն կոմերցիոն երգեր են գրում, դժվար էր։ Պատահական Ռուզաննա Անդրեասյանի մոտ լսեցինք մի երգ, որը ինչ–որ չափով փոխելուց հետո դարձավ մեր ուզածը։ Միանշանակ բառերը պետք է վստահեինք Ավետ Բարսեղյանին։ Վերջինիս ասացինք, որ այն պետք է լինի Արցախի, մայր հողի մասին։ Եվ մեկ գիշերվա մեջ Ավետը գրեց»,– պատմեց Արայիկը։

 Վերջինս նշեց` հաղթող բառերով երգը շատերի կողմից սիրվեց։ «Իսկզբանե տեսահոլովակի մասին չէինք մտածել։ Երգն այնքան ստացված էր, որ առանց տեսահոլովակի չէր կարող մնալ: Սուրեն Թադևոսյան հետ նկարեցինք մինիմալ տեսահոլովակ, քանի որ ուզում էինք, որ մարդիկ ուշադրություն դարձնեն երգին, որը շատ ազդեցիկ է։ Տեսահոլովակը նկարել եք մի քանի ժամում, քան որ Սևակը պետք է մեկներ համերգային շրջագայության։ Ստացված աշխատանք է»,– նշեց պրոդյուսերը։

 Ի դեպ, Արայիկը նշեց, որ պրեմիերայի օրը դեռ հստակեցված չէ, բայց այն կլինի մինչև մարտի 15–ը։