ԿԺԴՀ-ն ժխտել Է մեղսակցությունը Մալայզիայում Կիմ Չեն Նամի սպանությանը

ԿԺԴՀ-ն պաշտոնապես ժխտել Է որեւիցե մասնակցությունը Քուալա Լումպուրում Կիմ Չեն Նամի՝ ԿԺԴՀ-ի առաջնորդի ավագ եղբոր սպանությանը եւ ԱՄՆ-ին ու Հարավային Կորեային մեղադրել Է Փենյանի դեմ դավադրություն նյութելու մեջ: Դա, ինչպես տեղեկացնում Է «Արմենպրես»-ը, հետեւում Է Կորեայի կենտրոնական հեռագրական գործակալության՝ մարտի 1-ին հրապարակած մեկնաբանությունից:

Հյուսիսկորեական գործակալությունը չի հաստատել, որը խոսքը հենց Կին Չեն Նամի մասին Է, քանի որ նրա մոտ դիվանագիտական անձնագիր Է եղել Կիմ Չհոլի անունով: Մեկնաբանության մեջ հենց այս անունով են նշում այն մարդուն, որը փետրվարի 13-ին մահացել Է Քուալա Լումպուրի օդանավակայանում իր վրա երկու կանանց հարձակումից հետո, որոնք, ըստ ոստիկանության տվյալների, նրա դեմքին նյարդակաթվածահարական գործողության թունավոր նյութ են շփել: Հարավային Կորեայում առաջինն են հայտնել այդ միջադեպի մասին եւ ԿԺԴՀ-ին մեղադրել հենց Կիմ Չեն Նամի սպանության մեջ:

Կորեայի Հանրապետության արտաքին գործերի նախարար Յուն Բյոնսեն հայտարարել Է, որ Սեուլը պահանջում Է կասեցնել Փենյանի անդամությունը ՄԱԿ-ին: «VX թունավոր նյութի (որի օգնությամբ սպանվել Է Կիմ Չեն Նամը) նույնիսկ մի քանի գրամը բավական Է զանգվածային սպանության համար: Իսկ ԿԺԴՀ-ում, ըստ մեր տեղեկությունների, պահեստավորված են քիմիական զենքի ոչ թե գրամներ, այլ հազարավոր տոննաներ, որի պահեստները սփռված են ամբողջ երկրում: Այդ սպանությունը տագնապալի ազդանշան Է մեզ բոլորիս համար, որը ցույց Է տալիս, որ Փենյանը կանգ չի առնի այն կիրառելու հարցում»,- ասել Է Յուն Բյոնսեն: 

Մալայզիայի իշխանությունները Կիմ Չեն Նամի սպանությանը մասնակցության մեջ կասկածում են տասը մարդու, ներառյալ Քուալա Լումպուրում Հյուսիսային Կորեայի դեսպանության բարձրաստիճան մի աշխատակցի: Հարավային Կորեայում կարծում են, որ կասկածյալներից առնվազն չորսը հյուսիկորեական լրտեսներ են:

Մալայզիայի դատարանն արդեն մեղադրանքներ Է առաջադրել Վիետնամի եւ Ինդոնեզիայի երկու քաղաքացուհիների Քուալա Լումպուրի օդանավակայանում Կիմ Չեն Նամի սպանության գործով: «Նրանք մեղադրվում են քրեական օրենսգրքի 302-րդ հոդվածով»,- ասված Է տարածված հայտարարության մեջ: Երկրի օրենսդրությանը համապատասխան, սույն հոդվածով կատարված հանցագործության համար առավելագույն պատիժը կախաղանով մահապատիժն Է: Պատժի առավելագույն չափի վերաբերյալ դատավճիռ կարող Է կայացնել սոսկ թագավորության Գերագույն դատարանը: 

Ինչպես մարտի 1-ին լրագրողներին հայտնել Է Ինդոնեզիայից ամբաստանյալի փաստաբանը, «գործով դատական քննությունը կսկսվի ոչ շուտ, քան մի քանի ամիս անց», հաղորդել Է ՌԻԱ Նովոստին: