Իրանը նորագույն թեւավոր հրթիռ Է փորձարկել Հնդկական օվկիանոսում անցկացվող զորավարժություններում

Իրանական զորքերը երկրի ռազմածովային ուժերի ընդգրկուն զորավարժությունների շրջանակներում փորձարկել են «Նասր» նորագույն թեւավոր հրթիռը, տեղեկացնում Է «Արմենպրես»-ը՝ հղում անելով Press TV հեռուստաալիքին:

 

«Իրանական ուժերը փորձարկել են «Նասր» նորագույն թեւավոր հրթիռը երկրի հարավում տեղի ունեցած հիմնական ռազմածովային զորավարժությունների ժամանակ»,- ասված Է հեռուստաալիքի հաղորդագրության մեջ:  

Ավելի վաղ հաղորդվել Էր, որ Իրանի ռազմածովային ուժերը «Վելայաթ-95» խոշորամասշտաբ զորավարժություններ են սկսել Հնդկական օվկիանոսի հյուսիսում: Զորավարժությունները մեկնարկել են փետրվարի 26-ի առավոտյան Իրանի ռազմածովային ուժերի հրամանատար, դեր-ծովակալ Հաբիբուլա Սայարիի հրամանով: Զորավարժությունների անցկացման գոտին ընդգրկում Է մոտավորապես երկու միլիոն քառակուսի կիլոմետր:   

 

Ինչպես ավելի վաղ հայտնել Է Սայարին, «Վելայաթ-95» ռազմածովային զորավարժությունները ենթադրում են մարտավարական մանյովրների, հետախուզական գործողության անցկացում,  հրթիռների եւ տորպեդների արձակում, ինչպես նաեւ փրկարարական գործողություն:

 

Զորավարժությունների ժամանակ մարտավարական նշանակության պաշտպանական գործողության շրջանակներում օգտագործվում Է ռազմական տեխնիկա, ներառյալ իրանական արտադրության սուզանավեր եւ ուղղաթիռներ, հաղորդել Է ՌԻԱ Նովոստին: