Վրաստանի նախագահը մարտի 1-ին այցով կժամանի Բելառուս

Վրաստանի առաջին փոխվարչապետ, ֆինանսների նախարար Դմիտրի Կումսիշվիլին հանդիպում Է ունեցել Բելառուսի՝ Թբիլիսիում գտնվող կառավարական պատվիրակության ներկայացուցիչների հետ,  քննարկվել են երկու երկրների հետագա համագործակցության հիմնական ուղղությունները:

 

Այդ մասին հայտնել Է Գրուզիա Online-ը՝ հղում անելով Վրաստանի ֆինանսների նախարարության մամուլի ծառայությանը:

 

Այցը կայացել Է կողմերի փոխնախարարների մակարդակով երկկողմ քաղաքական կոնսուլտացիաների հերթական փուլի շրջանակներում: Հանդիպման ընթացքում արծարծվել են ռազմավարական այն հարցերը, որոնք նպաստելու են երկու երկրների առեւտրատնտեսական հարաբերությունների խորացմանը: Բացի այդ, քննարկվել Է Վրաստանի նախագահ Գեորգի Մարգվելաշվիլիի՝ մարտի 1-2-ին պլանավորված այցը Բելառուս:

 

«Մենք քննարկեցինք երկու երկրների տնտեսական համագործակցության հարցերը, առեւտրատնտեսական հարաբերությունների խորացման հնարավորությունները եւ հնարավոր ներդրումային նախագծերը»,-ասել Է Վրաստանի ֆինանսների փոխնախարար Նիկոլոզ Գագուան՝ ամփոփելով հանդիպման արդյունքները:

 

Իր հերթին Բելառուսի արդյունաբերության փոխնախարար Ալեքսանդր Օգորոդնիկովը Կումսիշվիլիի հետ հանդիպումից հետո հայտարարել Է, որ Բելառուսի իշխանությունները շահագրգռված են մասնակցելու այն նախագծերին, որոնք իրականացվում են Վրաստանում: «Մենք գիտենք, որ ձեզ մոտ զարգանում են առողջարանները, եւ, համապատասխանաբար, մեր շինարարական ծառայություններն ենք առաջարկել՝ դրանք ձեր երկրում իրականացնելու համար»,-ասել Է Օգորոդնիկովը: 

 

Ռուսաստանի եւ Բելառուսի միջեւ համագործակցության հիմնական ուղղություններն են՝ գյուղատնտեսությունը, տրանսպորտը եւ զբոսաշրջությունը: 

 

Ռուսաստանի եւ Բելառուսի միջեւ արտաքին առեւտրական շրջանառությունը 2016 թվականին կազմել Է ավելի քան 76,2 մլն դոլար, այդ թվում՝ Վրաստանից արտահանումը կազմել Է մոտավորապես 18,3 մլն դոլար, իսկ Բելառուսից ներմուծումը՝ մոտավորապես 58 մլն դոլար: