Հունվարին Վրաստան այցելած Հայաստանի քաղաքացիների թիվն աճել է 31 տոկոսով

2017-ի հունվարին Վրաստան է այցելել ավելի քան 387 հազար օտարերկրացի, ինչը 19․8 տոկոսով շատ է անցած տարվա նույն ժամանակահատվածի համեմատ, հայտնել են Վրաստանի զբոսաշրջության ազգային վարչությունից, փոխանցում է «Նովոստի Վրաստանը»։

Ըստ միջազգային դասակարգման՝ զբոսաշրջիկներ են համարվում այն այցելուները , որոնք երկրում մնում են ավելի քան 24 ժամ ու օգտվում սպասարկման ոլորտի ծառայություններից ՝ հյուրանոցներ, ռեստորաններ և այլն։

2017-ի հունվարին Վրաստան այցելած օտարերկրացիներից երկրում մեկ օրից երկար է մնացել մոտ 155 հազար մարդ։ Այսպիսով զբոսաշրջիկների թիվը 2016-ի հունվարի համեմատ ավելացել է 32․4 տոկոսով։

Ամենաշատ այցելուները հունվարին Վրաստան են ժամանել հարևան երկրներից ՝ Ադրբեջանից (+7,1%, Թուրքիայից (-0,8%), Հայաստանից (+31,4%), Ռուսաստանից (+40,3%) ու ՈՒկրաինայից (+28,2%)։

Դրական միտումը պահպանվել է նաև ԵՄ երկրներից ժամանողների հարցում։ Վրաստանը հունվարին առանձնապես պահանջված ուղղություն է եղել Լիտվայի (+47%), Բուլղարիայի(+32%), Գերմանիայի (+32%) Լեհաստանի (+25%) ու Մեծ Բրիտանիայի (+23%) բնակիչների համար։

Այցելուների զգալի աճ է գրանցվել Իրանից(+617%), Ուզբեկստանից(+231%), Հնդկաստանից(+158%), Իսրայելից(+158%),․ Չինաստանից(+78%), ՂԱզախստանից(+32%), Բելառուսից (+25%)։

2016-ին օտարերկրացիները Վրաստան են ժամանել ավտոմեքենայով՝ 81 տոկոս, օդային տրանսպորտով ՝ 17 տոկոս, երկաթգծով ու ծովային տրանսպորտով՝ 1-ական տոկոս։

Զբոսաշրջության վաևչության տվյալներով 2016-ին զբոսաշրջիկները Վրաստանում ծախսել են 2 մլրդ դոլար, ինչը նախորդ տարվա համեմատ 11 տոկոսով շատ Է։