Թրամփները կրկնօրինակելու սիրահարներ են

ԱՄՆ նորընտիր նախագահական ընտանիքը ակնհայտորեն կրկնօրինակելու մոլուցքով է տառապում: Բոլորս, իհարկե, հիշում ենք Մելանիա Թրամփի սկանդալային դարձած ելույթը, որն ակնհայտ copy-paste-ն այն ժամանակ դեռ առաջին տիկին Միշել Օբամայի՝ տարիներ առաջվա ելույթի:

Այսքանով, սակայն, նա չսահմանափակվեց: Մելանիան պարզապես չդիմացավ գայթակղությանը և իր ամուսնու երդմնակալության արարողությանը կրկնօրինակեց մեկ այլ ԱՄՆ առաջին տիկնոջ, ո՛չ ավել, ո՛չ պակաս, Ժակլին Քեննեդիին:

Պարզապես նայեք զգեստի օձիքին: Սա ոչ միայն ոճի, այլև հենց զգեստի կրկնօրինակում է:

Սակայն, ինչպես երևում է, կրկնօրինակելու մոլուցքը նրանց մոտ ընտանեկան է: Երդմնակալությանը հաջորդած ընթրիքին, երբ դուրս բերվեց տոնական տորթը, բոլորը պարզապես սառեցին իրենց տեղերում դեժավյուի (deja vu) արդյունքում: 

Պարզապես ապշել կարելի է: Ձախ կողմում Օբամայի երդմնակալության տորթն է, իսկ աջ կողմում՝ Թրամփինը: Մեկնաբանություններն ավելորդ են:

Օբամայի տորթի հեղինակ Դաֆֆ Գոլդմենը պարզապես չդիմացավ և կիսվեց իր Թվիթերում (twitter) այս նկարով և իր մեկանբանությամբ:

Երդմնակալության արարողությունը ինքնին լի էր ծայրահեղ հակադրություններով. մի կողմից բարձրաշխարհիկ էլիտային վայել պատրաստողություն և արարողություն, մյուս կողմից՝ զավեշտներով լի կրկեսային շոու: Ձեզ ենք ներկայացնում ամենազավեշտալի պահերը:

Ջորջ Բուշը պարզապես չկարողացավ աչքի չընկնել ինչ-որ մի զվարճալի միջադեպով: Սակայն պակաս ուշագրավ չէ Բարաք Օբամայի անփոփոխ դեմքի արտահայտությունն այս նկարների վրա:

Միշել Օբամայի դեմքի արտահայտությունը, երբ Մելանիան նրան է հանձնում Թիֆֆանի էնդ Քո-ի (Tiffany and Co) նվերի տուփը, պարզապես անգին է: Այն համացանցում դարձել է բազմաթիվ մեմերի աղբյուր: