ԱՄՆ-ում մասնագետները «փոքրիկ» ատոմային էլեկտրակայան են ստեղծել, որի երկարությունը չի գերազանցում 30 մետրը։ Այն կարելի է տեղափոխել նաև բեռնատարով։ Եթե փորձարկումները հաջող անցնեն, ապա, հնարավոր է, 2026-ին արդեն կօգտագործվի, հաղորդում է Gazeta-ն։
Նոր ԱԷԿ-ը կարող է 50 մեգավատտ էներգիա արտադրել, ինչը բավական է հազարավոր տներ էլեկտրաէներգիայով ապահովելու համար։ Այն աշխատում է նույն սկզբունքով, ինչ սովորական ԱԷԿ-ները, սակայն առանձին կառույցում տեղակայելու փոխարեն՝ մոդուլային ռեակտորը կհասցնեն նշանակման վայր և կմիացնեն էլեկտրոցանցին։
Բացի այդ, սառեցման սովորական փակ շրջագծի փոխարեն, որը կարող է շարքից դուրս գալ, նոր ԱԷԿ-ում բնական կոնվեկցիա է կիրառվում։ Էկետրականություն արտադրելու համար ենթադրվում է գործածել «մարտկոցներ» մի քանի կայաններից։ Դա կօգնի խուսափել լուրջ խնդիրներից՝ դրանցից մեկի չաշխատելու դեպքում, քանի որ դրա գործառույթներն իրենց վրա կվերցնեն մյուսները
