7 բան, որ պետք է իմանա ձմռանը մեքենա վարող յուրաքանչյուր վարորդ

Ձմեռը շատ բարդ շրջան է ավտովարորդների համար:

Խորհուրդներ վարորդներին՝ ձմռանն ավտոմեքենայի հետ կապված ամենատարածված խնդիրները լուծելու համար:

Քրտնած ապակիներ

Այս երևույթից ազատվել կօգնի սովորական սափրվելու քսուքը: Այն քսիր ապակու վրա, չոր կտորով սրբիր: Ապակե մակերևույթի վրա միկրոթաղանթ է ձևավորվում, որը կկանխի քրտնելը և սառելը:

Մաքուր լուսարձակներ

Լուսարձակները մաքրելու համար պարտադիր չէ ավտոմոբիլային քիմիա օգտագործել: Կեղտից ազատվել կօգնի սովորական ատամի մածուկը: Այն սպունգով քսիր կեղտոտ մակերևույթին, ջրով լվա:

Հին մարտկոց

Եթե հնարավոր է, որ մեքենան առավոտից չմիանա, պետք է ոչ մեծ թեքությամբ տեղ գտնել և մեքենան այնտեղ կանգնեցնել:

Սառած դիմապակի

Այս խնդրից խուսափելու համար մեքենան կայանիր դիմացի ապակին դեպի արևելք: Արևոտ եղանակին առավոտյան արևն այն կտաքացնի և կհալեցնի սառույցը:

Սառած փական

Դռան, բեռնախցիկի կամ վառելիքի բաքի սառած փականը ոչ մի դեպքում չի կարելի տաքացնել տաք ջրով կամ կրակայրիչով: Դա կարող է մի շարք տհաճ հետևանքներ ունենալ:

Մեքենայի դուռը հեշտությամբ բացելու համար կարելի է ըմպելիքի ձողիկով շնչել փականի մեջ:

Դռները սառչում են

Սա տեղի է ունենում սեղմող ռետինների վրա կուտակված խոնավության պատճառով:

Սրանից խուսափելու համար սեղմող ռետինները սրբիր բուսական յուղով թրջված կտորով, հետո յուղի մնացորդները մաքրիր թղթե սրբիչով: Յուղը ջուրը հետ կմղի, մեքենայի դռները չեն սառչի:

Դիմապակու սառած մաքրիչ

Սրանից կարող են փրկել գուլպաները: Պարզապես մաքրիչների վրա գուլպա հագցրու և թող գիշերը:

Միայն թե ապակու մաքրիչի խոզանակները մի սեղմիր դիմապակուն:

Ապակուց գուլպաներն ավելի դժվար կլինի պոկել, քան մաքրիչները: