Ինչ է հարկավոր անել, երբ շունը փորձում է հարձակվել Ձեզ վրա

Blognews.am-ը գրում է.

Յուրաքանչյուր օր մենք քայլելիս կամ վազելիս հանդիպում ենք փողոցային շների կողմից հարձակման վտանգին: Այսպիսի շներից շատերը երբեմն կարող են անկանխատեսելի վարք ցուցաբերել և լինել ծայրահեղ ագրեսիվ ու «ոչ ընկերասեր»:

Blognews.am-ը հավաքել է որոշ մասնագետների և փորձագետների խորհուրդներն այն մասին, թե ինչ է պետք անել այսպիսի դեպքերում պաշտպանվելու համար:

Խուճապի մի մատնվեք

Փաստ է, որ շները և այլ կենդանիներ զգում են մարդկանց վախը: Դժվար է հանգստություն պահպանելը , երբ ագրեսիվ շունը հաչում է և փորձում է հարձակվել վրադ: Եթե բղավեք, թափահարեք ձեռքերը, կամ փորձեք փախչել, Դուք կարող եք արթնացնել շան՝ որսի հետևից ընկնելու բնազդը և հրահրեք նրան հարձակվել Ձեզ վրա:

Դադարեցրեք վազելը և սկսեք քայլել

Եթե վազելու ընթացքում բախվում եք շանը, ապա դանդաղեցրեք ընթացքը և սկսեք քայլել: Պտտվեք և քայլեք շանը հակառակ ուղղությամբ, սակայն շարունակեք նայել նրան աչքի ծայրով: Ավելին, եթե ուղիղ կանգնեք ՝ ձեռքերը հպած մարմնի կողերին, շունը կկորցնի իր հետաքրքրությունը Ձեր հանդեպ և կհեռանա:

Հայացքը մի սևեռեք շան վրա

Աչքերի ուղիղ կոնտակտը կարող է ուժեղացնել շան ագրեսիվ պահվածքը: Հայացքը հառելը շան աչքերի մեջ կարող է նրա կողմից ընկալվել որպես սպառնալիք և հարձակման պատճառ դառնալ: Աչքի տակ պահեք շանը, սակայն մի սևեռվեք նրա նրա: Սա կզգուշացնի շանը, որ Դուք Ձեզանից վտանգ չեք ներկայացնում, և նա ամենայն հավանականությամբ կհեռանա:

Շեղեք շանը որևէ առարկայով

Իրականում ձեռքում գտնվող յուրաքանչյուր իր կարող է օգնության գալ: տվեք նրան ծամելու ինչ-որ բան, օրինակ՝ Ձեր կոշիկը, որևէ շիշ, կամ պայուսակ: Սա կշեղի շանը մի քանի վայրկյանով և Դուք փախչելու հնարավորություն կունենաք:

Հրամայեք շանը. «Հեռու՛ գնա»

Եթե շունը շարունակում է իրեն ագրեսիվ պահել, կանգնեք նրա դիմաց, սկսեք ժեստերով և ձայներով համոզել նրան, որ գնա՝ կրկի խուսափելով աչքերի անմիջական կոնտակտից: Վստահ եղեք, որ Ձեր ձայնը ուժեղ է և վստահ, սակայն ոչ շատ բարձր և հրամայողական: Ամենաազդեցիկ բառերը, ըստ փորձարկումների, «Ոչ» և «Հեռու գնա» արտահայտություններն են: Շունը կվախենա և կհեռանա: