Կենդանակերպի որ նշաններն առավել հաջողակ կլինեն Աքաղաղի տարում.Աստղաբանի կանխատեսում

ՖՈՏՈ 28 Դեկտեմբեր, 2016 16:00

Աստղաբան–էզոթերիկ Գուրգեն Հովհաննիսյանը «Նովոստի–Արմենիա» գործակալությանն իր կանխատեսումն է տվել այն մասին, թե Կենդանակերպի որ նշանների համար առավել հաջող կլինի 2017 թվականը, ինչպես նաև ինչպիսին կլինի հաջորդ տարին Հայաստանի համար։

гороскоп, красный огненный петух
2017–ը` գլոբալ փոփոխությունների տարի

2017 թվականին սպասվող փոփոխություններն ու բարեփոխումները վերաբերում են բոլոր ոլորտներին, լինի դա քաղաքականություն, թե ֆինանսներ, կարծում է Գուրգեն Հովհաննիսյանը։ Ինչ վերաբերում է ֆինանսներին, ապա, նրա խոսքով, աստղաբանությունում դրանք ասոցացվում են Մերկուրի, Յուպիտեր և Վեներա մոլորակների շարժման հետ։ 2016 թվականի դեկտեմբերի 19–ից մինչև 2017 թվականի հունվարի 8–ը Մերկուրին կատարում է իր հատուկ ռետրոգրադ շարժումը։

экономия, сбережения, финансы
Նա նշեց, որ այդ ժամանակահատվածը վտանգավոր է դեֆոլտներով, գների աճով, արժութային փոխարժեքների տատանումներով։ 2017 թվականի հունվարի 8–ից այդ երևույթները մի փոքր կմեղմվեն։
«Տարին բարդ կլինի, քանի որ Մերկուրին չորս անգամ կստուգի բոլորին ֆինանսական կայունության տեսանկյունից։ Ապրիլի 10–ից մայիսի 3–ը Մերկուրին կրկին կսկսի իր ռետրոգրադ շարժումը։ Երրորդ վտանգավոր ժամանակահատվածն օգոստոսի 13–ից սեպտեմբերի 5–ն է, իսկ վերջինը կլինի տարեվերջին` դեկտեմբերի 3-ից 23–ը»,– ասաց Հովհաննիսյանը։
Աստղաբանը նշեց, որ 2017 թվականը կդառնա գլոբալ փոփոխությունների տարի, քանի որ առնչվում է մեր մտածողության հետ, այսինքն, աստիճանաբար անցում է կատարվելու նյութական մտածողությունից դեպի ավելի հոգևոր, արժեքների վերաիմաստավորում է լինելու։ Քանի որ 2017 թվականը կանցնի Վեներայի հովանավորության ներքո, ապա փոփոխոըւթյունները շատ արագ, անկանխատեսելի և հակասական կլինեն։

«Տարին ֆինանսապես բարդ և ծանր կլինի, բայց Հայաստանը կհաղթահարի դժվարությունները և ավելի կուժեղանա։ Նաև նախադրյալներ կստեղծվեն հաջորդ տարիներին հաջողության հասնելու համար»,– ասաց Հովհաննիսյանը։

Ցլերը, Կշեռքները և Այծեղջյուրները կլինեն «գլխավոր դերերում»

Աստղաբանը ֆինանսական կանխատեսումներ չտվեց Կենդանակերպի յուրաքանչյուր նշանի համար, քանի որ, ըստ նրա, դա որոշակիորեն ծրագրավորում է մարդկանց։

Знаки Зодиака Созвездие.jpg

Այնուամենայնիվ, նա նշեց, որ քանի որ 2017 թվականում գերիշխում է իշխանության եռախումբը, որը կազմում են Ցուլը, Կշեռքն ու Այծեղջյուրը, ապա հենց նրանք կդառնան այն լոկոմոտիվը, որից կախված կլինի մյուս նշանների ներկայացուցիչների ֆինանսական բարեկեցությունը։