Հանրապետության մանկաբարձ-գինեկոլոգներն ատեստավորում կանցնեն

Հանրապետության գլխավոր մանկաբարձ-գինեկոլոգ Ռազմիկ Աբրահամյանը հանրապետությունում աշխատող բոլոր մանկաբարձ-գինեկոլոգների հետ մասնագիտական դասընթացներ կանցկացնի: Տարեվերջյան ամփոփիչ ասուլիսին այս մասին ասաց ՀՀ առողջապահության նախարար Լեւոն Ալթունյանը` անդրադառնալով մոր եւ մանկան մահացությունների վերջերս հաճախակի դարձած խնդրին: Նրա խոսքով` մասնագետները, որոնք չեն անցնի ատեստավորում` կզրկվեն լիցենզիայից:«Առողջապահության նախարարությունը Սյունիքի ցավալի դեպքից հետո հանձնարարել է Ռազմիկ Աբրահամյանին վեց ամիս ժամկետով ատեստավորումներ ունենալ մանկաբարձների հետ»,-«Արմենպրես»-ի հաղորդմամբ` ասաց նախարարը: