Գիտնականները «ծույլերի» համար նիհարելու նոր մեթոդ են հայտնաբերել

Եվրոպացի մի խումբ գիտնականներ բազմաթիվ ուսումնասիրությունների արդյունքում պարզել են, որ վիտամին C–ի ամենօրյա ընդունումը գեր մարդկանց սրտանոթային համակարգի վրա նույն ազդեցությունը կարող է ունենալ, ինչ կանոնավոր մարզանքները:

Վարժություններն օգնում են իջեցնել ճարպերի առաջացման ակտիվությունը, սակայն բոլորը չեն, որ ժամանակ են հատկացնում սպորտին։Գիտնականները առաջարկում են խմել վիտամին  С-ով հավելումներ։ Փորձը ցույց է տվել, որ 500 մգ վիտամին С-ի ամենօրյա ընդունումը սրտի ու անոթների համար նույնքան արդյունավետ է, որքան ամենօրյա զբոսանքը:

Past.am-ը ձեր ուշադրությանն է ներկայացնում սննդամթերքի տեսակներ, որոնք պարունակում են մեծ քանակությամբ վիտամին  С:

Կարմիր եւ կանաչ բուլղարական պղպեղ:

Բուլղարական պղպեղը նույնիսկ ավելի շատ վիտամին C է պարունակում քան նարինջը:

Նարինջ եւ նարնջի հյութ:

Մեկ միջին նարինջը պարունակում է վիտամին C-ի օրական միջին չափաբաժնի 117%-ը, իսկ 1բաժակ նարնջի հյութը՝ 155%-ը: Ինչպես նաեւ մրգերի եւ բանջարեղենի մեծամասնությունը, նարինջը բջջանյութի հիանալի աղբյուր է հանդիսանում, ինչն օգնում է մարսողությանը, իջեցնում է արյան մեջ խոլեստերինի եւ շաքարի մակարդակը:

Թուրինջ եւ թուրինջի հյութ:

Թուրինջի հյութի ¾ բաժակը պարունակում է վիտամին C-ի օրական միջին անհրաժեշտ քանակի 117%-ը, իսկ միջին չափի թուրինջի կեսը՝ 65%-ը:

Ելակ:

Քաղցր ելակը պարունակում է այդ փոքր հատապտղի համար արտասովոր շատ քանակությամբ բջջանյութ եւ վիտամին C:

Լոլիկներ եւ տոմատի հյութ:

Միջին չափի հում լոլիկը օրգանիզմին տալիս է վիտամին C-ի օրական չափաբաժնի 28%-ը , իսկ ¾ բաժակ տոմատի հյութը՝ 55 %-ը:

Նյութը հրապարակման պատրաստեց Past.am-ը: