Եթե դեղեր եք ընդունում, ապա զգույշ եղեք …

Գիտնականները պնդում են, որ առողջության համար շատ վտանգավոր է որոշ ըմպելիքները խառնել դեղորայքի հետ: Անհրաժեշտ է զգույշ լինել և գիտակցել, որ դեղ խմելիս պետք չէ այն ընդունել առաջին իսկ պատահած ըմպելիքով, քանի որ դա կարող է նվազեցնել դեղերի արդյունավետությունը և առողջական խնդիրներ առաջացնել: Past.am-ը ձեզ է ներկայացնում անցանկալի համադրությունները:

Նռան հյութ

Նուռը պարունակում է ֆերմենտ, որը քայքայում է արյան ճնշումը կարգավորող որոշ դեղամիջոցների հատկությունները:

Գինի և էներգետիկ ըմպելիքներ

Հակադեպրեսիոն դեղամիջոցներ օգտագործելիս հրաժարվեք գինուց: Դրանց համադրությունը կարող է արյան բարձր ճնշման, գլխացավերի, ինսուլտի և սրտի արագ բաբախման  պատճառ դառնալ:

Կոֆեինով խմիչքներ (սուրճ, կանաչ թեյ և էներգետիկ ըմպելիք)

Կոֆեին պարունակող ըմպելիքների և դեղորայքի միաժամանակյա ընդունումը առողջության համար լուրջ վտանգ է հանդիսանում:

Գրեյպֆրուտի հյութ

Գրեյպֆրուտի հյութը բացասաբար է ազդում ավելի քան 50 դեղորայքի վրա: Քանի որ այդ ազդեցությունը տևում է ավելի քան 24 ժամ, հետևաբար չի կարելի դեղորայքը ընդունելուց հետո որոշ ժամանակ անց այն խմել:

Սպորտային ըմպելիքներ

Մարզական խմիչքները պարունակում են կալիում, որը չի կարելի համատեղել սրտի անբավարարությունը  և հիպերտոնիան բուժող որոշ դեղորայքի հետ: Բացի այդ, շատ կալիում կա նաև բանանի մեջ:

Անի Գևորգյան