Բոլորի կարծիքով նոր սանրվածքս ինձ շատ է սազում, վատ կարծիքներ արտահայտում են միայն նախանձները. Ջուս

Life.panorama.am-ը գրում է.

 

Երգչուհի Ջուսի կարճ սանրվածքը շարունակում է  քննարկման թեմա լինել, այս  անգամ կարծիքներ են տարածվել, թե Ջուսի նոր սանրվածքն ու վարսերի գույնը նրան տղամարդու է նմանեցնում: Սակայն այդ կարծիքները երգչուհին համարում է ոչ հիմնավորված, ըստ նրա` միայն իրեն նախանձողները կարող են այդպես մտածել.

 

«Կարծում եմ այդպիսի մտքեր արտահայտում են մարդիկ, ովքեր զուրկ են ինտելեկտից, չունեն բարձր մակարդակ, որ կնոջը տղամարդուց չեն կարողանում տարբերել: Նման բաներ կարող են ասել նախանձները, ովքեր դիտմամբ ուզում են մարդուն վարկաբեկել»,- Life.panorama.am-ի հետ զրույցում նշեց սկանդալային երգչուհին:

 

Ինչ վերաբերվում է սանրվածքին` Ջուսն ընդգծեց.

 

«Իմ ոճով զբաղվում է իմ տաղանդավոր ու պրոֆեսիոնալ ոճաբան Սերժ Հարությունյանը, որը Հայաստանի լավագույն ոճաբան-վարսահարդարներից մեկն է համարվում: Ասեմ ավելին` իմ կարճ սանրվածքն իսկապես ցնցեց ամբողջ համացանցը: Դրանից հետո շատ նամակներ եմ ստացել, որոնցում մարդիկ հարցնում են, թե որտեղ եմ ներկել մազերս: Ինձ շատ են գրել նաեւ արտերկրի վարսահարդարները, ովքեր մեծ ոգեւորությամբ նշում էին, թե նոր սանրվածքը շատ ոճային է ու այսպես դարձել եմ ավելի հետաքրքիր»:

«Ես ռիսկային մարդ եմ եւ ամեն նոր ոճ ինձ համար նոր արկած է իմ աշխատանքային գործունեության մեջ»,- ընդգծեց Ջուսը, իսկ հարցին, թե նոր սանրվածքի վերաբերյալ ի՞նչ կարծիք ունի սիրելին, պատասխանեց. 

 

«Նա միշտ զարմանում է իմ ոճափոխություններից եւ փորձում է միշտ հասկանալ, որ իմ ոճն ու սանրվածքը աշխատանքիս մի մասն է կազմում: Բոլորի կարծիքով նոր սանրվածքս ինձ շատ է սազում, վատ կարծիքներ արտահայտում են միայն նախանձները»: