10 օր առաջ եմ սկսել ծնունդս տոնել, երբ եղբայրս բազում անակնկալներով եկավ ԱՄՆ-ից. Գայանե Բալյան

ՖՈՏՈ 30 Նոյեմբեր, 2016 18:57

Aysor.am-ը գրում է.

Դերասանուհի Գայանե Բալյանն, ով վերջին շրջանում նկարահանվում է Շանթ հեռուստաընկերության «Թաքնված սեր» սերիալում՝ գլխավոր դերակատարներից Աննայի կերպարում, այսօր նշում է ծննդյան 31-ամյակը:

Aysor.am-ը շնորհավորելով հոբելյարին՝ հետաքրքրվեց՝ ի՞նչ միջավայրում է պատրաստվում անցկացնել տոնական օրը:

«Ծննդյանս օրն անցկացնելու եմ ընկերներիս ու հարազատներիս հետ՝ իմ սիրած վայրերից մեկում: Կարելի է ասել՝ 10 օր առաջ է սկսվել տոնս, երբ եղբայրս բազում անակնկալներով Միացյալ Նահանգներից Հայաստան եկավ: Երեկ կեսգիշերին էլ մտերիմ ընկերուհիս անակնկալ մատուցեց: Շատ շնորհավորանքներ եմ ստացել, ինչն ուրախացնում է: Չէ՞ որ հաճելի է, որ քեզ սիրող շատ ընկերներ ունես», - մեզ հետ զրույցում մանրամասնեց Գ. Բալյանը:

Արդեն 31-ամյա դերասանուհուն, ինչպես ինքն է ժպիտով խոստովանում, տարիքի ավելացումը երբևէ չի անհանգստացրել, թեև՝ մի քիչ վախեցրել է: Ծննդյան ամենամեծ անակնկալն էլ նախորդ տարի է եղել՝ կրկին եղբոր կողմից:

«Նախորդ տարի եղբայրս կրկին մեծ անակնկալ արեց, բայց փակագծերը բացել չեմ ցանկանա, թող գաղտնիք մնա», - նշեց նա:

Հոբելյարի այս տարվա ցանկությունը երկուսն են. երկրին խաղաղություն, իրեն՝ աշխատանքային ծանրաբեռնվածություն:

«Դրանք առաջնայինն են, որ ցանկանում եմ, մնացածն ինքնըստինքյան կլինի: Շնորհակալ եմ բոլոր նրանց, ովքեր ջերմ մաղթանքներ են ինձ հղել ու դեռ հղելու են: Ես բոլորիդ անչափ սիրում եմ»,-մեզ հետ զրույցը եզրափակեց Գայանե Բալյանը: